Бүген 4 нче классның 7 укучысы өчен  күптәннән көтелгән вакыйга -- Варислар сафына кабул итү булды. Укучылар әлеге вакыйгага бик теләп, тырышып әзерләнделәр. Бүген алар Татарстанның лаеклы гражданиннары булырга ант иттеләр. Аларны әлеге зур вакыйга белән котлыйбыз!  Киләчәктә халкыбызның йөзенә кызыллык китермичә яшәүләрен телибез!

Балалар бакчасында мәктәпкә әзерлек төркемендә тәрбияләнүче  Гайнетдинов Илшат һәм Фазуллина Инзилә Арча шәһәренә "Каблучок" бию конкурсында җиңү яулап кайттылар.  Җитәкчеләре Нигмәтҗанова Л.Г. һәм балаларны чын күңелдән котлыйбыз, киләчәктә иҗат уңышлары телибез!

Бүген мәктәптә һәм балалар бакчасында Бөек Ватан сугышының 71 еллыгы уңаеннан веноклар ясау оештырылды.

28, 29 нчы апрель көннәрендә балалар бакчасы тәрбиячеләре өчен "Реализация учебно-методического комплекта по обучению детей двум государственным языкам в условиях внедрения ФГОС в ДОО"  дигән темага укулар булып узган иде. Бүген бакчабызда әлеге укулар буенча сөйләшү, фикер алышулар булды.

  "Язның бер көне ел туйдыра " ди халык. Шуны истә тотып, мәктәбебез һәм балалар бакчасы янындагы участокта эш башланды.

Уенчыклар белән уйнау гына түгел, аларны чиста һәм тәртиптә тоту да мөһим. Балалар бакчасына йөрүчеләр тәрбиячеләр күзәтүе астында уенчыклар юуны бик теләп башкаралар.

Бакчада һәр баланың яратып уйный торган уенчыгы бар. Шөгыльләрдән  буш вакытта нәниләр төрле уенчыкларны үз итеп уйныйлар. Балалар бакчасында күмәк уеннар вакытында бер-беренә карата хөрмәт, уенчыкларны "үземнеке" дип кенә кабул итмәү, ә иптәшләр белән бергә, килешеп уйнау, дусларның да фикерләрен тыңлый белү күнекмәләре формалаштырыла.

Бүген укучыларыбыз һәм укытучылар тарафыннан  чишмәләргә экскурсия оештырылды. Әлеге чара, беренчедән, "2016 ел - Су саклау зоналары елы" уңаеннан булса, икенчедән, авылларыбыз территориясендәге сулыклар, чишмәләрне белү, аларга карата сакчыл караш тәрбияләү максатыннан чыгып  үткәрелде.

Табигатьне күзәтәбез

Дус-ишләр белән бергә.

Беренче чәчәкләр чыккан

Безне сөендерергә!

Балалар бакчасындагы нәниләр саф һавада йөрергә чыккач язгы үзгәрешләрне күзәтергә яраталар.

  Мәктәптә һәм балалар бакчасында Габдулла Тукайның 130 еллыгына карата чаралар булып узды.  Балалар бакчасында шигырь бәйрәме, Габдулла Тукайның әсәрләре буенча  эшләнгән мультфильмнар карауны бик ошатты нәниләр.
     Ә менә мәктәп укучылары арасында олы шагыйрьнең тормыш юлы һәм иҗаты буенча  викторина үткәрелде. Укучылар үзләрен  шигырь язу буенча да сынап карадылар.