1992 нче елда Генеральная Ассамблея ООН 3 нче декабрь көнен Халыкара инвалидлар көне дип игълан итә. Ел саен 1 нче декабрьдән 10 нчы декабрьгә кадәр республикабызның шәһәр һәм районнарында Мәрхәмәтлелек акцияләре үтә. Бу көннәрне җәмәгатчелек  кайгыртуга, игътибарга мохтаҗ булган, мөмкинлекләре чикләнгән кешеләр турында искә алырга тиеш. 

Бүген безнең мәктәптә дә "Мәрхәмәтлелек сәгате"  үткәрелде. Педагог-организатор Лотфуллина Г.Х. укучылар белән инвалидларга ярдәм күрсәтү турында, физик мөмкинлекләре чикләнгән бөек шәхесләр турында эчтәлекле әңгәмә алып барды. 

Бүген безнең мәктәп укытучылары Единый урок.рф сайтында мәгариф системасын мәгълүматлаштыру буенча мониторинг үттеләр. 

Сегодня ученики нашей школы участвовали во Всероссийской контрольной работе по информационной безопасности, стартовавшей на сайте "Единый урок.Дети"

Бүген мәктәптә "Көзге-кышкы чорда сулыкларда куркынычсызлык" айлыгына йомгак ясалды.  Укучылар төрле сорауларга җавап биреп, айлык барышында бу өлкәдә туплаган белемнәрен күрсәттеләр.

Сегодня учащиеся 3-4 классов прошли тестирование на проверку знаний по вопросам защиты персональных данных. 

Бүген мәктәптә Әниләр көненә багышланган бәйрәм чарасы үткәрелде. Әниләренә булган ярату хисләрен, җылы теләкләрен балалар матур шигырьләр, моңлы җырлар һәм дәртле биюләр аша җиткерделәр. "Әниемнең җылы кочагы" темасына язылган сочинениеләр укуны, "Минем яраткан әнием" портретлар күргәзмәсен дә үз эченә алган бу чара бик эчтәлекле һәм тәрбияви булып узды.

Бүген мәктәптә "Интернет челтәрендә балаларның куркынычсызлыгы" темасына бердәм дәрес үткәрелде. "Машаның Интернет челтәренә сәяхәте" электрон презентациясе күрсәтелде. Шул нигездә Интернет челтәре куллануның төп кагыйдәләре белән таныштырылды. Укучыларга "Куркынычсыз Интернет" дип исемләнгән эчтәлекле буклетлар таратылды"

Балалар бакчасында тәрбияләнүче нәниләребез  әниләрен үз куллары белән әзерләгән бүләкләр тапшырып сөендерделәр.

Ноябрь аеның икенче яртысы мәктәп-бакчада Әниләргә багышланды. Укучылар "Минем яраткан әнием" конкурсына рәсемнәр ясадылар, "Әниемнең җылы кочагы" темасына сочинениеләр яздылар, әниләренә үз куллары белән бүләкләр әзерләделәр, Әниләр көненә концерт әзерлиләр.

Ноябрь аенда сулыкларда саклык буенча күп төрле чаралар үткәрелә.  Бүген мәктәп-бакчада "Боз өстендә сак булыйк!"  рәсем конкурсының мәктәп этабы тәмамланды. Иң яхшы ике эш район конкурсына җибәреләчәк.