Шушмабаш мәктәбендә театр түгәрәгенә йөрүчеләр белән (җитәкчесе Вильданова Г.Ш.) "Язмышларга буйсынмас җаннар" дигән зур очрашу уздырды. Очрашу Балтач районы Кариле авылының "Таң йолдызы" - дүрт шигъри китап авторы, шашка буенча спорт мастеры, сәламәтлекләре чикләнгәннәр арасында узган "Татарстан энҗесе" конкурсы җиңүчесе, йөзләгән грамота һәм медальләр иясе, Балтач районында инвалидларның "Фикердәш" клубы җитәкчесе Чулпан Габделганиева белән иде. Язмыш тарафыннан кыерсытылган бик күпләрнең киңәшчесе, остазы да әле ул Чулпан. Бик уңган пешерүче, кул эшләре остасы икәнен дә исәпкә алсак олыларга да,укучыларга да зур үрнәк мисалы ул. Очрашуда "Фикердәш" клубына йөрүче Алсу белән Зөлфия дә катнашып үзләренең зур конкурсларда, ярышларда җиңү яулау мизгелләре белән уртаклаштылар.