Мы с вами/Без сезнең белән
Патриотик акциядә катнашкан укучыларыбызга атналык җыелышта дипломнар тапшырдык.

Укучыларыбыздан әтиләр көненә котлау!
Җир йөзендәге һәр балага әти җылысын, әти назын, сөюен тоеп, тыныч тормышларда яшәрга насыйп булсын! Барлык әтиләребезне бәйрәм белән котлыйбыз!

04.10.2022
ОБЖ фәненнән ачык дәрес.

Карашында якты кояш нуры,
Сүзләреннән җанга җылы тама.
Еллар үтәр… Әмма укытучы сүзе
Маяк булып күңелләрдә кала.
Бала күңлен төгәл аңлап, тоеп,
Иң кирәкле сүзне Сез әйтәсез.
Язмыш сукмагында борчуларны
Горур үткәрергә өйрәтәсез.
Укытучы – белем генә түгел,
Гыйлем генә түгел, күпкә зуррак!
Маяк булып балкыр сезнең караш,
Атлаганда тормыш юлы буйлап!

Хөрмәтле укытучыларыбызны Бәйрәм белән котлыйбыз!

2 нче сыйныф укучылары укытучылары Хәят апа белән авылыбыз китапханәсендә кунакта.

Исәнмесез, хуш киләсез
Данлыклы мәктәбемә.
Фән һәм ачышлар иленә
Безгә юл күрсәтергә.
Сәләтләргә, максатларга,
Киләчәккә юл башы.
Яңа белем, ачышларга
Илтә ҮСЕШ НОКТАСЫ/ТОЧКА РОСТА
 

Мәктәбебезнең химия, биология, физика кабинетларына Усеш ноктасы" ("Точка роста" ) проекты нигезендә ремонт ясалды, укучыларга белем алуда кирәкле җихазлар кайтарылды. Кабинетлар тантаналы рәвештә ачылды, кунаклар арасында  Арча муниципаль районы башкарма комитеты җитәкчесе Гатиятов Ренат Мансур  улы, Апаз авыл җирлеге башлыгы Котдусов Раушан Фарадис улы, Арча мәгариф идарәсе җитәкчесе урынбасары Калимуллина Зөлфия Риф кызы бар иде. Укучылар җылы, якты, заманча җихазландырырылган кабинетларда нык белем алырлар дигән теләктә калабыз.

Ел саен, көз җиткәч, беренче октябрь көнендә, Өлкәннәр көне билгеләп үтелә. Илебезнең төрле почмакларында хөрмәтле өлкән буын вәкилләре төрле бүләкләр һәм истәлекле чаралар белән искә алына. Заман авырлыкларына бирешмичә илебез уңышы өчен көчләрен кызганмаган алар. Бу дөньяда куйган хезмәтләре, кылган изгелекләре өчен рәхмәт аларга! Саулык-сәламәтлектә, дөньяга ямь биреп яшәсеннәр, урыннары өй түрендә булсын!