Россиядә мөмкинлекләре чикле кешеләр өчен ункөнлек бара. Ул 1992 елдан бирле ел саен 3 декабрьдә билгеләп үтелә. Инвалидлар декадасы - кешеләргә игътибар, шәфкатьлелек, кайгыртучанлык һәм ярдәм кирәклеген һәркемгә искәртү ул.
Шул уңайдан укучыларыбыз белән “Нинди матур дөнья!” дип исемләнгән тәрбия сәгате уздырылды. Әлеге дәреснең максаты: балаларны инвалид кешеләр проблемасына җәлеп итү, балалар коллективында дуслык һәм теләктәшлек тәрбияләү. Ахырдан укучылар «мәрхәмәт» сүзендәге хәрефләрдән кешегә хас яхшы сыйфатларны таптылар.

Гомер безгә җир шарында яшәү бәхете бирә. Ә кеше яшәү өчен һәрвакыт энергияле, җитез, тапкыр, сәламәт булырга тиеш. Сау-сәламәт кеше гел юлда, гел хәрәкәттә. Шул уңайдан район графигы буенча "Әти, әни һәм мин - юл кагыйдәләрен беләбез" дигән чара үткәрдек. Укучыларның "Шоферлар" командасына каршы әниләрнең "Светофор" командасы көч сынашты. Әлеге чарада мәктәп укучылары белән берлектә садикта тәрбияләнүче балалар да актив катнашты.
Бүген алган белемнәребезне тормышта кулланып, юл йөрү кагыйдәләрен төгәл үтәсәк иде. Һәркемгә хәерле юллар телибез!

Изге гамәлләр башкаручылар, ирекле волонтёрлар көне Россия Президенты Владимир Путинның 2017 елның 27 ноябрендәге указы белән гамәлгә керә. Волонтерлар хәрәкәте безнең илдә 1980 еллар ахырында барлыкка килә. Волонтер булу ул – үзенә күрә бер тормыш тәҗрибәсен туплау. Яңа дуслар табу, кеше хәленә керә белү, сабырлык, түземлек, армый-талмый, һәрвакыт активлык рухында тору. Әлбәттә, волонтерларга хезмәтләре өчен акча түләмиләр. Ләкин алар күп нәрсәгә өйрәнә, башкаларга үзләренең нәрсәгә сәләтле икәнлекләрен күрсәтә. Волонтерлар төрле мөһим проектларда катнашып, вакытлары белән санашмыйлар, ярдәмгә мохтаҗ кешеләргә ярдәм кулы сузалар. Бар күңелләрен, тырышлыкларын куеп, җаваплылык белән волонтерлык эшен алып баралар. Бүген укучылар белән волонтер кем ул, алар кайчан барлыкка килгән, нинди эшләр башкаралар дигән сорауларга җавап эзләдек. Безнең укучыларыбыз да кечкенә волонтерлар, алар да төрле акцияләрдә катнашалар, тирә-юньдәгеләргә игътибарлы, ярдәмчел, җәмгыятькә файдалы булып, бу дөньяны яхшырак итәргә омтылалар.

Мы приняли участие во всероссийской акции «Марафон культур»
 

Бөтендөнья СПИДка каршы көрәш көне. Бу көн ВИЧ-инфекция эпидемиясенең Глобаль таралуын туктатырга, әлеге куркынычның йөзе каршында көчләрне берләштерергә кирәклеге турында искәртүгә хезмәт итә.
Дөньяда ВИЧ-йогышы ачыклануга 40 елдан артык. Бу вакыт эчендә галимнәр вирусны өйрәнә, аның килеп чыгышын билгели, шулай ук ВИЧ белән кешеләргә тулы тормыш белән яшәргә мөмкинлек бирә торган терапияне эшли алдылар. Вирус дөньяда таралуын дәвам итә, ә ВИЧлы кешеләр кызганычка стигматизациягә һәм дискриминациягә дучар ителә.
1998 елдан башлап ел саен 1 декабрьдә Бөтендөнья СПИДка каршы көрәш көне (World AIDS Day) билгеләп үтелә. Бу көнне бөтен дөньяда миллионлаган кеше ВИЧ-инфекциядән үлгән кешеләрне искә алу, эпидемиягә каршы көрәштә ирешелгән уңышларны билгеләп үтү һәм бу эпидемиягә нокта куярга әзерлеген раслау өчен берләшә.
Бөтендөнья СПИДка каршы көрәш көнен үткәрүнең төп мәгънәсе-авыруның яңа очракларын булдырмау.

3 декабрь, Билгесез солдат көнендә, илебез халкы Ватанны саклаучыларны хөрмәт белән искә ала. Гасырлар һәм буыннар бәйләнеше ныклы булганда, сугыш, батырлык һәм намус турында хәтер сакланып, яшь буынга тапшырылып килгәндә илебезнең киләчәге бар.

"Исемең билгесез, батырлыгың үлемсез" – бу сүзләр Мәскәүдә Билгесез Солдат каберенә язылган.

Күркәм гадәт буенча, быел да мәктәбебез укучылары белән, сугыштан кайтмаган һәм кабере дә кайда икәне билгеле булмаган солдатларны искә алып, авылыбызнын мемориаль һэйкәл янын җыештырдык.

2024 елның 2 нче декаберендә, сәламәтлек мөмкинлекләре
чикләнгән кешеләр декадасы кысаларында, мәктәпләрдә
мөһим сөйләшүләр, класс сәгатләре, ”Волонтерлар көненә
шәфкатьлелек миссиясе ” темасына багышлап үткәрелде.
Шәфкатьлелек ул - мохтаҗларга кайгыртучанлык һәм ярдәм
күрсәтү. Һәр кешенең үзендә, башкаларга ярдәм күрсәтү,
кызгану тойгыларының әзерлеген үстерү, безнең
җәмгыятькә үзара ярдәм һәм хөрмәт законнарына таянып
яшәргә мөмкинлек бирә.
Волонтерлык ул - дөньяны яхшырак итү омтылышына
таянып, кешенең түләүсез ярдәм итүне аңлы рәвештә
сайлавы. Һәр яхшы эш, хәтта ул зур булмаса да, әһәмияткә
ия. Волонтерлар бергә конкрет кешеләргә ярдәм итеп кенә
калмый, ә әйләнә-тирәдәгеләргә ярдәмгә һәм яхшы
гамәлләргә позитив, илһамландыра торган үзгәрешләр дә
кертәләр. Россия җәмгыятендә шәфкатьлелекнең, үзара
ярдәм культурасының күп гасырлык, тирән традицияләре
бар.

1991нче елның 29 нчы ноябрендә Татарстан Республикасы Югары Советы республиканың дәүләт символларының берсе буларак хәзерге Татарстан флагын кабул итә. Бүген мәктәптә «Татарстан Республикасы Дәүләт флагы кабул ителү көне» темасына әңгәмә үткәрелде. Укучылар флагның мәгънәсе, тарихы, төсләренең нәрсә аңлатуы, ТР флагының нинди очракларда күтәрелүе турындагы белемнәрен ныгыттылар. Чара барышында укучылар актив катнаштылар, Татарстан мәдәнияте, тарихы турында белемнәрен күрсәттеләр. Мондый чараларны уздыру үз илең өчен патриотлык һәм горурлык тәрбияләргә ярдәм итә һәм елдан-ел бәйрәмнең әһәмияте арта бара, үз Ватаныңны ярату һәм хөрмәт итүнең мөһимлеген укучыларга тагын бер кабат искәртә. Чараның төп максаты - милли үзаңны күтәрү, халыкның бердәмлеген ныгыту һәм Татарстан флагын республика халкын берләштерүче символ буларак популярлаштыру.

"Көзге боз көзге калынлыгы булса да ышан" дигән халык мәкаленә иртә көзләрдә бер дә ышанасы килми. Табигатьтә берничә көн түбән температура сакланса, сулыкларны боз элпәсе каплый һәм магнит кебек үзенә тартып тора. Ләкин көзге боз өстенә керү төрле куркыныч хәлләр тудыра. Балалар белән күңелсез очракларны булдырмау максатында "Бозда игътибарлы бул!" дигән темага әңгәмә үткәрдек. Көзге бозда саклык чараларын аңлаттык.

"Мирас" исемендәге мәктәп театры  Рафис Корбаннын «Бардым кулгә, салдым кармак» спектаклен күрсәтте