Тимурчылык  эше  дәвам  итә. 5 нче  класс  укучылары да өлкән  яшьтәге  авылдашыбыз  Юлдаш  абыйга  йорт  территориясен  кардан  чистартырга  булыштылар.

2 нче февраль - совет  гаскәрләренең  Сталинград  сугышында  немец-фашист  гаскәрләрен  тулысынча   тар-мар итү  көне.Бу  уңайдан  мәктәптә  "Сталинград"  темасына  кинолекторий  оештырылды.Документаль һәм  нәфис  фильмнар  карау  ачык  микрофон  форматында  фикер  алышу  белән  дәвам  итте.

 Өлкән класс укучылары  катнашында  "Барысы  да  мәхәббәттән  башлана" дип  исемләнгән  әдәби-музыкаль кичә  үтте.

6 нчы  сыйныф  укучылары  инглиз  теле  укытучысы  Гыйззәтуллина  Ф.В. җитәкчелегендә  инглиз  телендә  "Шалкан" әкиятен  сәхнәләштерделәр. Әкият  яшь  тамашачыларга  бик  ошады.

6 нчы  класс  укучылары  өлкән  яшьтәге  авылдашыбыз  Мөнәвәрә  апага  кар  көрәргә  булыштылар.

Чираттагы  ачык  дәрес  5  нче  класста  үтте.Рус  теле  һәм  әдәбияты  укытучысы  Фаттахова Г.М.ның  дәресе  "Прямая  речь" темасына  багышланды.

7 нче  класс  укучылары  тыл  ветераны  Мәрзия  апага  булышырга  бардылар.

Мәктәбебездә  рус  һәм  инглиз  телләр  атналыгы  башланып  китте.Рус  теле  һәм  әдәбияты  укытучысы  Солтанова  Р.И. 10  класста литературадан  "Униженные  и  оскорбленные  в  романе  Достаевского  "Преступление  и  наказание""  темасына  ачык  дәрес  үткәрде. 

"Разговоры о важном" әңгәмәләр  циклының  чираттагысында  сүз  "Россия  союзниклары"  темасына  барды.Укучылар  илебезнең  фикердәш дәүләтләр, "Дипломат" төшенчәләре  белән  таныштылар.Башка  дәүләттә  яшәүче  яшьтәшләренә  хат  яздылар.

"Алдынгылар  хәрәкәте"  оешмасы  тарафыннан  районыбызның  бер  төркем  укучылары  өчен    Мәскәү  шәһәренә сәяхәт  оештырылды.Алдынгылар  ВДНХ  күргәзмәсендә  булып, илебездәге  яңа  фән-техника казанышлары  белән  танышып  кайттылар. Алар  арасында  укучыбыз  Мөхетдинов  Әнвәрнең  дә  булуы  безнең  өчен  бик  куанычлы  вакыйга.