Башлангыч класс укытучысы Фазылҗанова Г.Н. "Сабантуй"да кунакта" исемле тәрбия сәгате үткәрде. Чарада 1-6 класс укучылары катнашты. "Сабантуй" журналының тарихы турында кызыклы мәгълүматлар бирелде. 

Арча районы ДАИ бүлегенең пропаганда бүлеге әйдәп баручы белгече Мухаметзянова Э.Г. катнашында 1-4 нче һәм 8 нче класс укучылары катнашында "Юлда да акыл кирәк" исемле ачык чара үтте. 

Нәселе өчен, иле өчен, 

Кемнәр генә шәһит китмәгән!      Р.Фәйзуллин.

1990 нчы елдан башлап 15 октябрь  Хәтер көне буларак билгеләп үтелә. Мәктәбебездә шушы хәтәр көн турында әдәби-музыкаль монтаж булып узды. Тарих укытучысы Фәридә Илдусовна 9 нчы һәм 5 нче класс укучылары белән берлектә хәзерләгән бу чыгышта меңнәрчә каһарманнар үз илен, телен, динен саклап шәһит киткән көн турында сөйләделәр. Бу чыгышлары белән укучыларны үткән тарих сәхифәләренә алып кайттылар. 

Ата-бабаларыбыз хәтерен мәңге күңелләрдә саклыйк!

16 октября прошло мероприятие посвященное 200 летию М.Ю.Лермонтова "Поэт гениальный, бессмертный и всегда молодой". 

Участники ученики 1-9 классов, преподаватели. Подготовила и провела Н.Ш.Габдрахманова, учитель русского языка и литературы. 

В кабинете русского языка организована выставка "Здесь всюду властвуют его стихи. Далекие, зовущие, живые", посвещенная 200 летию М.Ю.Лермонтова. 

Организатор: Н.Ш.Габдрахманова. 

Биология укытучысы Сәләхиева М.Р. мәктәп күләмендә "Бөтендөнья хайваннарны саклау" көненә багышланган тәрбия сәгате үткәрде. Чара укучыларга файдалы, кызыклы мәгълүматларга бай булды.

9 нчы класс укучылары ветеран укытучы Хөснетдинова Резеда Анваровна катнашында тәрбия сәгате үткәрделәр.

6 нчы класс укучылары укытучылар көненә багышланган бәйрәм концерты күрсәттеләр.

Хөрмәтле укытучылар!!! Сез һәркем өчен  үрнәк алырлык кешеләр. Сез биргән белемнәр, сезнең үгет-нәсихәтегез укучыларыгызга  бүгенге авыр тормышта  дөрес юлдан тайпылмыйча, гел алга барырга ярдәм итә. Сезгә дә  укучыларыгызның рәхмәтләренә төренеп, аларның ярдәмен тоеп яшәргә насыйп булсын. Атачак таңнарыгыз – аяз, туасы көннәрегез – кояшлы, төннәрегез - тыныч, сәламәтлегегез нык булсын.

Хөрмәтле укытучылар! Барыгызны да бәйрәм белән котлыйбыз. Көчегез төкәнмәвен, эшләү дәрте сүрелмәвен,  укытучы һөнәренә тугрылык телибез. Һәрвакытта һәм һәркайда уңышлар юлдаш булсын.

Кирәк чакта җитез дә син, тапкыр да син

Кирәк чакта сабыр да син, батыр да син.

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

Мәктәбебез укучылары сугыш ветераннарын, ветеран укытучыларны, техник хезмәткәрләрне өлкәннәр көне белән котладылар, өйләрендә булдылар.