Бүген 5 класс укучылары рус теле фәненнән мониторинг үттеләр.

Сөрде башлангыч мәктәбе укучылары көзге табигатькә  кунакка бардылар.        Алтынсу күлмәкләрен кигән каеннар балаларны елмаеп каршылады. Балалар табигатьнең матурлыгына сокландылар, үзләрен әкият дөньясында дип хис иттеләр. Өскә яфрак яңгыры ява. Аяк астында яфрак кыштырдый. Яфрак арасынннан гөмбәләр күренеп китә. Агачта калган яфраклар арасыннан кояш нурлары елмая. Үзе генә елмаеп калмый, балаларны да елмаерга мәҗбүр итә. Балалар каеннар арасында төрле уеннар уйнадылар, куян күчтәнәче белән сыйландылар, шигырь язу осталыкларын да күрсәттеләр.

Көз көннәре килеп җитте 
Хушлашабыз җәй белән.
Бөтен җиргә яфраклардан 
Алтын келәм җәелгән.

Яңа Кенәр урта мәктәбе филиалы Сөрде башлангыч мәктәбе укучылары мәктәп бакчасында яшелчә уңышы  җыйдылар.
Чөгендер бик тә уңган
Безнең баш кадәр булган.
Кишерләр беләк буе
Уңышлар безнең мулдан.

Бүген 6 нчы "Б" сыйныф укучылары,дәресләрдән соң,кулларына тырмалар алып элек-электән мәктәбебездә эшләп килгән "тимурчылык" эше буенча олы яшьтәге ветеран укытучыбыз Тәскирә Гараевнаның өенә бардылар.Укучылар чын күңелдән ветераныбызның ишек алларын тырмалап,чөгендерләрен алып,шатланып эшләп кайттылар.

Бүген Яңа Кенәр мәктәбенең башлангыч класс укучылары Арча шәһәренә спектакль карарга бардылар.Алар С.Өметбаев исемендәге Минзәлә татар дәүләт драма театры артислары башкаруында "Йолдыз егет " исемле спектакль карадылар.Спектакль укучыларга бик ошады.

Мәктәбебез бакчасында кишер ,кәбестә.чөгендер уңышы бик уңды.Укучылар бу яшелчәләрне җыеп базга саклауга куйдылар.

Бүген район күләмендә уздырылган өмәдә Яңа Кенәр мәктәбе дә актив катнашты.Көн кояшлы,матур булгач барлык укучылар да,укытучылардашатланып эшләделәр.Мәктәп территориясендәге коелган  яфракларны  себердек,чүпләрне җыеп түктек.Бакчадагы яшелчәләрне җыеп базга саклауга куйдык.

Бүген 19 сентябрь көнне Яңа Кенәр урта мәктәбендә 2000-2001 елгы егетләр һәм кызлар арасында волейбол ярышы үтте.Анда 9 мәктәптән 15 команда катнашты.Командалар ярышка бик әзерләнеп килгәннәр.

Бүген 6 "Б" сыйныф укучылары дәресләре тәмамлангач,өйләренә кайтырга ашыкмадылар,мәктәбебездә мәрхәмәтлелек

атналыгы акциясе нигезендә,сыйныф җитәкчеләре Фәридә Әхмәтхасановна белән 36 ел туган мәктәбебездә башлангыч сыйныф укучыларына төпле белем биргән,хәзерге көндә лаеклы ялда булган ветеран укытучыбыз Тәскирә Гараевнаның хәлен белергә бардылар,көзге бакча эшләрендә ярдәм итәргә булдылар.Өлкән укытучыбыз балаларга рәхмәтен белдерде,үзенең шатлыклары.борчулары белән уртаклашты.Өлкән кешеләргә күңел җылысы.игътибар иң мөһиме.Гобайдуллина Т.Г. балаларга үзенең киңәшләрен бирде.