1октябрьдән -10 октябрьгә кадәр өлкәннәр декадасы уңаеннан мәктәбебезгә ветеран укытучыларыбызны кунакка чакырдык.Өлкәннәребез өчен концерт ,классларда очрашулар  үткәрелде.

Хөрмәтле укытучылар!!!

Сезне чын күңелдән бәйрәмегез белән тәбрик итәбез.Сез – безнең иң кадерлеләребез, үрнәк алырлык кешеләребез. Сез биргән белемнәр, сезнең үгет-нәсихәтегез безгә бүгенге авыр тормышта да дөрес юлдан тайпылмыйча, гел алга барырга ярдәм итә. Үзегезгә дә укучыларыгызның рәхмәтләренә төренеп, аларның ярдәмен тоеп яшәргә насыйп булсын. Атачак таңнарыгыз – аяз, туасы көннәрегез – кояшлы, төннәрегез — тыныч, сәламәтлегегез нык булсын.

4 октябрь көнне 8-11 класс укучылары белән  Казан дәүләт аграр университеты очрашу үткәрде.Уку йорты белән якыннырак таныштырып,укучыларны үзләренең уку йортына дәшеп калдылар.

Сөрде башлангыч мәктәбе укучылары  көзге табигатькә сәяхәткә чыктылар.
Көз җиттеме,җир өстенә
Алтын яфрак җәелә.
Карап туеп булмый һич тә
Бу фасылның яменә.

4Б класс укучылары "Юный предприниматель" дип аталган икенче онлайн-олимпиадада катнаштылар.алар дипломнар һәм сертификатлар белән бүләкләнделәр.Класс җитәкчеләре Сафина Р.С.

Яңа Кенәр урта мәктәбенең егетләр командасы районда уздырылган волейбол ярышында беренче урынны алды.14 октябрь көнне алар район данын якларга Мамадышка барачаклар.Егетләрне чын күңелдән җиңүләре белән котлыйбыз һәм яңа җиңүләр телибез.

1 октябрьдән өлкәннәр декадасы старт алды.Укучыларыбыз өлкәннәребезне п өйләренә барып бәйрәм белән котлап,аларга ярдәм итеп кайттылар!

2 октябрь көнне Кзыл-Яр авылы мәдәният йортында "Өлкәннәр өйнең кояшы" дигән өлкәннәр белән очрашу кичәсе булды. Кзыл-Яр башлангыч мәктәбе укучылары да бик матур чыгыш ясадылар. Өлкәннәр белән уеннар да уздырылды, күмәкләшеп биеп тә алдык. Ә аннары мул табын артында рәхәтләнеп сөйләшеп утырдык. 

3 октябрь көнне 9-11 класс укучыларының ата аналары белән очрашу булып узды.Бу очрашуда алда торган имтиханнар, укучыларның төп бурычлары турында сөйләшенелде.

Сөрде башлангыч мәктәбендә "Әбекәй -алтыным, минем иң якыным"  дип исемләнгән кичә үткәрелде. Укучылар әбиләренә булган хөрмәт сүзләрен матур шигырьләр, җыр-биюләр аша тапшырдылар.
               Кадерле әбиләребез,

Чал чәчле дәү әниләребез!

Бәйрәм белән котлый бүген

Сезне ул һәм кызларыгыз.

Яшәгез сез мәңге яшь булып,

Туган йортыгызда ямь булып.

Сез булсагыз таза- сәламәт

Оныкларга булыр бик рәхәт.