Сөрде башлангыч гомуми белем  мәктәбендә "Адымнар нык,юллар имин булсын" дип исемләнгән эчтәлекле чара үткәрелде.  Укучылар  юл йөрү кагыйдәләрен белүләрен күрсәттеләр. Чараның кунагы мәктәп инспекторы Нигматуллин Н.К.килде. Ул үзенең  фикерләрен һәм теләкләрен җиткерде.

Яңа Кенәр урта мәктәбендә Класс җитәкчеләр атналыгы башланып китте. Беренче тәрбия сәгатен башлангыч класс укытучысы Биктова Р. Р.  "Һөнәрле үлмәс,һөнәрсез көн күрмәс" исемле тәрбия сәгате үткәрде. Бу чарада   әти әниләрдә катнашты.

 Яңа Кенәр мәктәбендә 2 класс ( класс җитәкчесе Хабибуллина М,Р.)  Нэрсэ? Кайда?Кайчан? дип исемләнгән математик викторина  үткәрде.Викторинада "Тапкырлар" һәм "Зирәкләр" командалары көч сынашты. Командалар шигъри мәсьэлэлэр, компьютердан мисаллар, ребуслар чиштеләр. 

Иске Ашыт мәктәбендә Фазуллина Л.Р.. район күләмендә уздырылган "Класс җитәкчесе - 2017 ел" бәйгесендә катнашты. Бәйге бик зур тәҗрибәлелек, осталык, белем сорады. Укытучы "Телефон дусма,дошманмы?" темасына тәрбияви чара, "Сәламәтлек технологияләре" темасына мастер-класс уздырды. Бәйге бик күңелле утте.

Бүген 6Б сыйныфы (сыйныф җитәкчесе Фазуллина Л.Р.)укучыларына кунакка мәктәпнең медсестрасы  Гөлфия Кәримулловна керде. Ул укучыларны грипптан саклану, дәвалану чаралары белән таныштырды. Шәхси гигиена кагыйдәләренә дә басым ясады. Укучылар үзләрен кызыксындарган сорауларга да җавап ала алдылар.

Түбән Оры башлангыч мәктәбендә  1 класска укырга керүче Фазылзянов Ислам  өчен  мәктәпкә әзерлек дәресләре  башланды. Бу дәресләр һәр атнаның шимбә көнендә дәвам итәчәк.

Балалар һәм яшүсмерләр арасында янгын куркынычсызлыгы буенча Россия күләмендә  игълан ителгән конкурс эшләре җыела. Иң яхшы дип саналган эшләр район Укучылар сараена тапшырылачак. 

Ашытбаш мәктәбендә "Арча хәбәрләре" газетасы призына  шахмат турниры үткәрелде. Бу турнирда 8 класс укучыбыз Төхфәтуллина Гүзәл  2 урын яулады.(тренеры Самигуллин Тахир)Аларны чын күңелдән котлыйбыз,уңышлар теләп калабыз.