Буген 9А классы укучылары НСИ да катнаштылар.

Бүген, 5 октябрьдә, бөтен ил Укытучылар көнен — балаларга дөньяны танырга, үсәргә һәм үз-үзләренә ышанырга ярдәм итүчеләрнең һөнәри бәйрәмен билгеләп үтә. Бу көнне без рәхмәт әйтеп кенә калмыйбыз, иң яхшыларның иң яхшыларын билгеләп үтәбез.

Ел саен 5 октябрьдә педагогларга тантаналы шартларда Мактау грамоталары тапшырыла. Бу формаль тантана гына түгел, ачыктан-ачык: «без сезнең хезмәтегезне күрәбез, без аның кадерен беләбез»дип әйтү мөмкинлеге дә.Бу көнне без югары бүләкләргә лаек булган педагогларны аерым горурлык белән котлыйбыз. Аларның һәрберсе-эш еллары, йөзләрчә укучылар, дәфтәрләрне тикшереп, дәресләргә әзерләнеп үткәрелгән исәпсез-хисапсыз кичәләр.

Кадерле укытучылар! Сабырлыгыгыз, зирәклегегез, һәр балада үзе күрмәгән нәрсәләрне күрә алуыгыз өчен рәхмәт сезгә. Бәйрәм белән

1 октябрь — Өлкәннәр көне уңаеннан 3 сыйныф укучылары өлкәннәргә бүләкләр әзерләделәр! Үз куллары белән ясаган әйберләре аша балалар өлкәннәргә үзенең ихтирам һәм мәхәббәтен белдерделәр.
 

Бүген мәктәбебездә Өлкәннәр көненә багышланган «Буын — Баттл» уены узды! 

Уенда ике команда катнашты:
беренчесе — безнең лаеклы ялга киткән хөрмәтле укытучыларыбыз,
икенчесе — 11 нче сыйныф укучылары.

Уен биш раундтан торды:

команда исеме һәм девиз әзерләү;
җырларны танып алу;
бирелгән сүздән мөмкин кадәр күбрәк сүзләр төзү;
шигырьләр укыту һәм язу;
төрле кызыклы биремнәр.

 Очрашу, өлкән буынның бай тәҗрибәсе белән укучыларның яшьлек энергиясе бергә кушылып, барыбыз өчен дә файдалы чара булды.

Барлык катнашучыларга һәм килгән кунакларга зур рәхмәт! 

Бүген мәктәбебездә зур һәм күңелле хәйрия ярминкәсе узды!

 Барлык укучылар һәм ата-аналар актив катнаштылар — үз кул эшләрен, тәмле ашамлыкларны, әйберләрне китерделәр.Ярминкәгә  авылдашларыбыз да килде .Ярминкәдән җыелган акча хәйпиягә тапшырылачак.

Бүген «Казан» агросәнәгать паркында Татарстан мәгариф оешмалары катнашында авыл хуҗалыгы продукциясе һәм кул эшләнмәләре ярминкәсе уза! 

Безнең мәктәпнең педагоглары да чарада катнаша. Укытучыларыбыз үз куллары белән ясалган әйберләрне, үз участокларыннан җыелган яшелчәләрне һәм җиләк‑җимешләрне тәкъдим итәләр. Һәр бер продукт — ел дәвамында тырышып үстергән һәм эшләп чыгарган нәтиҗә. 

11 сыйныф укучылары класс җитәкчеләре Алия Нурисламовна белән «Ике елга — ике юл»дигән мавыктыргыч экскурсиядә булдылар!Теплоходта сәяхәт иттеләр.Аннан соң Барлык диннәр Храмына бардылар.Бу көнне оештыруда ярдәм иткән һәркемгә рәхмәт!

Профсоюзы әгъзалары арасында үткәрелгән кросс ярышында Яна Кәнәр коллективы зур уңыш казанды! Барысы да бик тырышып катнаштылар — бу — чын мәгънәдә команда эше! Барлык катнашучыларга бик зур рәхмәт!

8А сыйныфының әти — әниләре янә кичке рейдка чыктылар-22:00 сәгатьтән соң алар авылыбызның җәмәгать урыннарын йөреп чыктылар. 

Битараф булмавыгыз һәм балаларның иминлеге турында кайгыртуыгыз өчен рәхмәт сезгә.

Бүген 7–11 сыйныф кызлары белән медсестра Хабибуллина Г. К. арасында сәламәтлек, авыруларның кайчан барлыкка килүе, саклану чаралары һәм гигиена турында әңгәмә узды! Слайдлар ярдәмендә кирәкле кагыйдәләр аңлатылды.Гөлфия Каримулловнага зур рәхмәт!