8 нче апрель көнне Кәче мәдәният йортында 1 нче класс укучыларының “Әлифба бәйрәме” үткәрелде. Бәйрәмдә укучылар төрле фәннәрдән алган белемнәрен, җырга, биюгә, сәнгатьле укуга осталыкларын күрсәттеләр. Г. Тукай әсәрләрен сәхнәләштерделәр. Укучыларга дирекция һәм әти-әниләр тарафыннан бүләкләр тапшырылды. Бәйрәм чәй өстәле артында дәвам итте.

Ялгыз яшәүче әби- бабайларга ярдәм итү дәвам итә. Укучылар аларга йорт эшләрендә бик теләп булышалар. Өлкәннәр аларга зур рәхмәтләрен җиткерәләр.

Укучылар авылыбыз уртасында урнашкан "Батырларга мәңгелек дан!" исемле һәйкәл тирәсен чистарттылар, тирә- ягындагы карларны тараттылар.

Мәктәптә "Игелекле эшләр атналыгы" башланып китте. Укучылар ялгыз әби- бабайларга булышалар.

2 нче апрель - Балалар китабы көне. Шул уңайдан башлангыч класс укучылары китапханәдә балалар язучылары, аларның әсәрләре белән таныштылар.  

Татар теленнән бердәм республика тесты 2016 нчы елның 25 нче апрелендә үткәреләчәк. Бүген 9 нчы класс укучылары сынау тестын эшләп карадылар һәм барлык биремнәрне дә уңышлы башкарып чыктылар.

Мәктәптә Г. Тукайның тууына 130 ел тулуга багышланган рәсем конкурсы булып узды. Әлеге бәйгедә һәрбер укучы катнашты.

Бүген Арча мәгариф идарәсенең актлар залында мәктәп китапханәчеләренең киңәшмәсе булып узды. Методист Гөлфирә Хәнәфиевна 2016-2017 нче уку елына дәреслекләргә бирелгән заказлар буенча чыгыш ясады, китапханәчеләрне борчыган сорауларга җавап бирде.

Бүген педагогик совет утырышының чираттагысы булып узды. Анда класс җитәкчеләре  3 нче чирек нәтиҗәләре белән таныштырдылар, алда торган максатлар һәм бурычлар әйтелде. 

1 нче класс укучылары каникулда да класс җитәкчеләре һәм музыка укытучысы белән бергә Әлифба бәйрәменә әзерләнделәр.