Арча халкы зур бәйрәмне - Бөек Җиңүнең 71 еллыгын каршыларга җыена. Шәһәребезнең урамнары бәйрәмчә бизәлде, чистартылды, язгы чәчәкләр күренә башлады.

Шәһәребез чиста, матур булсын! Бәйрәм белән хөрмәтле иптәшләр!

"Экология һәм мин" исемле башлангыч классларда оештырылган атналыкта, 4а класс укучылары белән берлектә, Г.Тукайның 130 еллыгына багышлап, уку һәм әйләнә-тирәне саклау дәресләрен берләштереп, "Урман - зур байлык" темасына интеграллаштырылган экологик дәрес үткәрелде. Укучылар Г.Тукайның шигырьләрен яттан сөйләделәр, табигатьнең матурлыгына, хозурлыгына сокландылар, тирә-юнебезне пычраклыктан сакларга, сулыкларны чистартырга, "урман хуҗасы" Шүрәлегә ярдәмгә чакырдылар, төрле экологик сорауларга җаваплар эзләделәр. Бу дәрестә экология инспекторы Латыш Фирдәүс Камиль кызы катнашты, укучыларга кызыклы китаплар тапшырды.Дәресне эзерләделәр башлангыч класс укытучылары Галимова С.А., Сәгыйтҗанова Ф.М.

30 нчы апрель көнне 5 нче гимназия базасында "Хәвефсез тәгәрмәч - 2016" бәйгесе уздырылды. Бу бәйге районыбызда 1994 нче елдан бирле уздырыла, яшь укучыларыбыз юл йөрү кагыйдәләрен төгәл өйрәнеп, киләчәктә исән-имин генә юлларда йөреп, өметебезне акларлар дигән ышанычта калабыз. "Хәвефсез тәгәрмәч-2016" бәйгесендә укучыларыбыз ярышның төрле этапларында призлы урыннар яуладылар: 3а классыннан Сабирова Гөлия - 3 урын ("Юл йөрү кагыйдәләрен белүче"), 4а классыннан Кәлимуллина Ләйсан - 1 урын ("Беренче табиб ярдәме"), 5а классыннан Зиннатов Инсан - 2 урын ("Автошәһәрчек"). Әлеге бәйгегә укучыларны педагог-организатор Абдуллина Г.Р. әзерләде. Уңышларыгыз белән котлыйбыз!!!

Ученик 10а класса Шамсутдинов Ришат прошел во второй этап конкурсного отбора в профильную смену Русского географического общества в Международный детский центр "Артек". Поздравляем!

29 апрельдә Арча балалар сәнгате йортында ана теле һәм әдәбияты укытучыларның "Туган тел - 2016" бәйгесе уздырылды. Бу бәйге Татарстан Республикасы мәгариф һәм фән министрлыгы тарафыннан "2014-2020 елларга Татарстан Республикасы дәүләт телләрен һәм ТР ында башка телләрне саклау, өйрәнү һәм үстерү буенча ТР Дәүләт программасын" гамәлгә ашыру максатында үткәрелә. Ул иҗади эшләүче укытучыларны барлау, аларның хезмәтен бәяләү, ана теле һәм әдәбияты укытучысының педагогик эшчәнлеген активлаштыру, укытуның нәтиҗәлеген тәэмин итәрдәй заманча технологияләрне куллану осталыгын үстерү максатыннан оештырыла. Бәйгенең 1 турында 33 укытучы катнашты. Бәйгедә иң күп балл җыйган укытучылар конкурсның икенче турына узды. Бүгенге бәйгедә районның иң көчле, иҗади, алдынгы укытучылары көч сынашты. Укытучылар үзләре, һөнәри эшчәнлекләре белән таныштырдылар. Г.Тукай әсәрләрен сәхнәләштерделәр, осталык дәресләрен тәкъдим иттеләр. Берсеннән-берсе матур чыгышлар, яңа идеяләр, заманча укыту һәм тәрбия ысуллары, сәхнә осталыгы белән кабат сокландырдылар татар мөгаллимнәре. Туган телгә, туган җиргә булган тугрылыклары, һөнәри осталыклары, иҗади хезмәтләре һәм балаларга булган чиксез мәхәббәтләре белән шаккатырдылар алар. Туктаусыз һөнәри үсештә булулары, бетмәс энергия һәм чиксез сабырлыклары белән хөрмәт уяттылар. Ниһаять, "Туган тел - 2016" бәйгесе җиңүчеләре билгеле! Гимназиябезнең татар теле һәм әдәбияты укытучысы Сабирова Алсу Госман кызы 4 урынны яулады. Хөрмәтле Алсу Госман кызы! Сезне чын күңелебездән зур җиңүегез белән котлыйбыз! Сезгә киләчәктә дә зур уңышлар, яңа үрләр, гаилә бәхете, нык сәламәтлек, чиксез шатлык-куанычлар телибез!

29 апрель көнне гимназия базасында Бөек Җиңүнең 71 һәм Г.Тукайның 130 еллыгына багышлап, ООО "Арск.Мед" призына (ярыш спонсоры Гыйләҗиев Р.Ф.) Арча муниципаль җыелма командаларының яшүсмерләре арасында баскетбол ярышы булып узды. 1 урында - 1 нче номерлы мәктәп, 2 урында - 5 нче гимназия, 3 урында - 2 нче номерлы мәктәп. Котлыйбыз!

Арча урамнарыннан үткәндә һәрберебез чисталыкка сокланып уза. Шәһәребезне чистарту, төзекләндерү өчен оешмалар, предприятиләр, уку йортлары зур өлешен кертәләр.

Шәһәребезне чиста тоту - барыбызның да изге бурычы! 

Җир Хартиясе принципларын тормышка ашыруга 15 ел тулу уңаеннан гимназиябездә "Җир Хартиясе принципларын тормышка!" исемле Бердәм дәрес уздырылды. Дәрестә 8-10 класс укучылары катнашты. Шулай ук башлангыч класс укучылары өчен "Планетабызны саклыйк" темасына класстан тыш чара уздырылды. 5-6 класс укучылары белән "Җиребезгә куркыныч яный" дигән викторина уздырылды. Гимназиябез фойесында "Татарстанда җир хартиясенә 15 ел" дигән тема астында күргәзмә оештырылды. Чараларны география укытучысы Хөсәенова Н.Г. оештырды. Әйләнә-тирә мөхитебезне бергәләп сакларга өйрәник!

Г.Тукайның 130 еллыгы уңаеннан оештырылган чараларда Зур Бирәзә, Урта Бирәзә башлангыч мәктәбе укытучылары һәм укучылары зур әзерлек белән катнаштылар. "Без Тукай варислары" исемле район конкурсында Зөбәерова Зилә сәнгатьле шигырьсөйләм номинациясендә 3 урынга лаек булды. Укытучысы Нуриәхмәтова Р.Ә. Котлыйбыз!

Учащиеся 9-х классов приняли участие в молодежной конференции на тему "Противодействие идеологии экстремизма в образовательной среде", которая состоялась в Арском филиале ЧОУ ВО "Академия социального образования", где высказывали свою точку зрения в ходе обсуждений.