Педагог-организатор Абдуллина Г.Р. 1 нче сыйныф укучылары өчен SMS-дети проектында катнашучы укучылар белән берлектә "Кышкы уеннар" үткәрде. Чара бик күңелле узды.

Утар Аты мәктәбендә Сираҗиева Л.Ф. район күләмендә уздырылган "Класс җитәкчесе - 2017 ел" бәйгесендә катнашты. Бәйге бик зур тәҗрибәлелек, осталык, белем сорады. Укытучы "Сәламәтлек" темасына тәрбияви чара, "Без - төрле милләттән" темасына мастер-класс уздырды. Бәйге бик күңелле утте.

"Арча хәбәрләре" гәҗите призына район куләмендә шахмат ярышлары булып узды. 1-4 класс укучылары арасындагы ярышта 2А классы укучысы Мөхәммәтҗанов Камил 3 нче урынга лаек булды. Котлыйбыз!!!

5 нче гимназиядә инглиз теле фәне буенча район күләмендә "Инглиз теле дәресләрендә инновацион технологияләрне куллану" темасына семинар - практикум булды. Укытучылар инглиз теленнән ачык дәресләр, тәрбияви чаралар карадылар, бергәләп киңәшләштеләр, тәҗрибә уртаклаштылар. Семинар бик эшлекле үтте.

Гимназиядә география фәненнән уздырылган район семинарында мәгариф идарәсе методисты Сафиуллин И.Р. белән берлектә "Түгәрәк өстәл" артында тәҗрибә уртаклаштылар. География укытучысы Хөсәенова Н.Г. 6 нчы класс укучыларына ФГОС таләпләре буенча " Һава температурасы" темасына дәрес бирде, хезмәттәшләре "География фәне өйрәнүдә проект алымнары куллану" темасына фикер алышты. 11 нче класс укучысы Шәмсетдинов Ришат "Арча шәһәре урамнары топонимикасы" темасына проект эшен тәкъдим итте. Һәркем семинардан канәгать калды.

Поздравляем победителя Республиканского этапа Всероссийской олимпиады школьников по литературе ученицу 10 класса Хакимуллину Эльвину. Желаем Эльвине и учителю русского языка и литературы Сибгатуллиной Р.Ш. дальнейших успехов!

Эльвина Хәкимуллина берничә ел рәттән район, республика күләмендә үткәрелгән фән бәйгеләрендә катнашып килә, ел саен мактаулы урыннар яулый. Котлыйбыз!

... Эш агачы һәрвакытта бик юмарт китерер җимеш...

3 нче уку чиреге башланып китте. Физик культура дәресләрендә программа нигезендә чаңгыда шуу күнекмәләрен ныгыту буенча эш бара. Укытучылар Ильясов З.А. һәм Абдрахманов И.Х. тырышлыгы белән гимназия янәшәсендә "чаңгы юлы" эшләп килә. Чаңгы яратучылар өчен көне буе уңайлыклар бар.

2 нче класс укучылары бүген "Карлыгачлар" сафына кабул ителделәр. Алар балалар оешмасының I баскычын үттеләр. Тәрбияле, алга омтылучы, үз максатларына ирешүче укучылар булырга сүз бирделәр.

16 нчы гыйнвар көнне Арча муниципаль районының Җәмәгать советы әгъзалары гимназиядә физик культура һәм спорт әшләренең торышы белән таныштылар, материаль - техник базасын карадылар. Совет әгъзасы Ильдус Сәгъдиев гимназия эшенә уңай бәя бирүен күрсәтеп үтте.

13 нче гыйнварда Арча шәһәре үзәк стадионында, күңел ачу тантанасында гимназия укучылары "Арча Кыш бабаенда кунакта" исеме астында концерт программасы белән чыгыш ясадылар. Аларның чыгышларын Арча халкы зур алкышлар белән кабул итте.

Яңа еллар мөбәрәк булсын, кадерле дуслар!