Бүген 5 нче октябрьдә без Арча 5 нче номерлы “Кояшкай” балалар бакчасына йөрүче зурлар төркеме балалары белән Арча шәһәренең янгын сүндерү бүлегенә бардык. Искиткеч күңелле, мавыктыргыч экскурсия булды.Башта безне бөтен бүлекләр белән таныштырдылар. Шуннан соң янгын сүндерү машинасының нинди өлешләрдән торуын һәм ничек эшләвен күрсәттеләр. Бу балалар өчен аеруча да  күңелле булды. Янгын сүндерүчеләр үзләренең махсус киемнәре белән дә таныштырдылар, киенеп тә күрсәттеләр. Балаларга бик күп сораулар бирделәр, бик күп кызыклы мәгълүматлар белән таныштырдылар. Соңыннан балаларга истәлекле бүләкләр дә бирделәр.                                                                                                                                                                                                                                                                                                                                                                                 Шушы экскурсияне оештыручы, алып баручы, 107 нче номерлы янгын сүндерү бүлегенең башлыгы Салихов Рөстәм Раушан улына зур рәхмәтебезне белдерәбез! Аларга шундый җаваплы эшләрендә зурдан-зур уңышлар телибез!