Кадерле ветераннар! Хөрмәтле ир – егетләр!

  Сезне чын күңелдән Ватанны саклаучылар көне белән котлыйбыз! Сезгә нык сәламәтлек, бәхет,муллык,  иминлек, тынычлык, һәр эшегездә уңышлар телибез.

Сез безнең күңелгә мәңгелек ышаныч!

Сез көчле ,сез батыр,сез—безнең куаныч!

Сез—алтын багана, гаиләдә сез --терәк !

Тынычлык-иминлек сагында сез кирәк !

Сезнең тормыш юлыгызда,

Очрамасын киртәләр.

Гел шатлыклар,гел бәхетләр

Алып килсен иртәләр.

Казанның 12 нче гимназиясендә яраткан язучыбыз Т. Миңнуллин  хөрмәтенә ачылган  мемориал залда булдык. Туфан абыйны юксыну хисләре йөрәкне биләп алды.

Бүген мәктәптә Ватанны саклаучылар көненә багышланган чаралар үтте. Чараларда сугыш һәм тыл ветераннары , Әфган  сугышы ветераннары, әти-әниләр, дәү әтиләр,  армия сафларында хезмәт итеп кайткан егетләребез катнашты. Чаралар тиешле югарылыкта үтте.

Бүген Казанның Фатиха Аитова исемендәге татар телендә белем бирүче 12 нче гимназиясендә Туфан Миңнуллин истәлегенә багышланган  укытучыларның һәм укучыларның я республика конференциясе узды.  "Театр яктылыкка, нурга илтә! .." номинациясендә Т. Миңнуллин иҗат иткән драматургия жанрындагы әсәрләрне сәхнәләштерү буенча конкурста безнең мәктәпнең театр коллективы уңышлы чыгыш ясады. (Җитәкчеләре Рахматуллина Р.Р., Әхмәтгалиева Ә.К.)

       Г.Камал Театры  артистларыннан торган жюри һәм   Туфан абый Миңнуллинның   тормыш иптәше Нәҗибә АПА   тарафыннан олы бәя алып, шаһәдатнамә, истәлекле бүләкләр һәм Г.Камал театрына чакыру билетлары белән бүләкләнделәр.

Рахматуллина Айгөл

Мөхәммәтдинова Чулпан

Гыйләҗев Илшат

Нуруллин Алмаз

Солтанов Дамир

Рахматуллин Илнар

Мусин Рәдис

Сезне чын күңелдән   җиңүегез белән котлыйбыз! Киләчәктә дә зур уңышлар телибез!

Афәрин, кызлар һәм егетләр!

БЕЛДЕРҮ

22 нче февраль көнне  Ашытбаш урта мәктәбендә  КЫШКЫ  САБАНТУЙ  уздырыла.

Бәйрәмгә рәхим итегез!

10 нчы класс укучысы Әүхәдиева Айсинәне татар әдәбиятыннан республика олимпиадасында призёр булуы белән чын күңелдән котлыйбыз.

15 нче февраль көнне герой-шагыйрь Муса Җәлилне искә алу булды.

Класс сәгатьләрендә, әдәбият дәресләрендә шагыйрьнең тормыш юлы искә алынды, укучылар аның иҗаты белән таныштылар. Герой шагыйрьнең шигырьләрен сәнгатьле сөйләү бәйгесе оештырылды.Рәсем дәресләрендә әсәрләренә иллюстрацияләр  ясалды.

15 нче февраль -  совет гаскәрләренең Әфган җиреннән чыгарылган көне.Бу көн мәктәбебездә  ел саен  зурлап билгеләп үтелә. Әфган сугышы кырында булган авылдашларыбызга, якташларыбызга хәрби хезмәтләрен төгәл үтәүләре, батыр һәм намуслы булулары өчен олы рәхмәтебезне белдерәбез. Сезнең хәрби бурычка тугры булуыгыз, үзара ярдәмләшеп һәм дус булып яшәвегез  безнең өчен  үрнәк булып тора. Сезгә  нык сәламәтлек, гаилә бәхете,эшегездә зур уңышлар, иминлек, тыныч тормыш  телибез.

“Бөек Җиңүнең 70 еллыгын каршылап”

Рәсем конкурсы үткәрелде.