“Туган ягым табигате” экскурсия.

4 июнь көнне Г.Тукай исемендәге Ашытбаш урта мәктәбе каршында оештырылган “Салават күпере” балалар лагеренда йөрүчеләр Габдулла Тукай Дәүләт әдәби-мемориаль музей-комплексында экскурсиядә булдылар. Г.Тукайның иҗаты һәм тормыш юлы белән таныштылар. Экскурсия балаларга бик ошады.

Бүген  2 июнь.Отрядлар үзләренә исемнәр сайладылар һәм асфальтта отряд урыннарын бизәделәр. 1 отряд – “ Гөлләрем” , 2 отряд “ Сандугач” исемен йөртә.

20 нче майдан 20 нче июньгә хәтле  “Наркотикларсыз тормыш “ айлыгы игълан ителде. Аның кысаларында төрле чаралар уза.  30 нчы май көнне  8-11 нче класс укучылары белән “Юк дип әйтә бел” дигән  темага  түгәрәк өстәл үткәрелде.  Әлеге чараның максаты: балаларны  начар гадәтләрдән – тәмәке  тарту, эчкечелек, наркоманиядән саклану һәм  аларга каршы  торучанлыкны тәрбияләү иде. Чара барышында укучылар  наркотикларның, алкоголь һәм тәмәкенең зарары, аларның  кеше сәламәтлеген һәм шәхесен җимерүче матдә булуы турында фикер алыштылар. Бу авыруларның  сәбәбе – яшәү  мәгънәсен  дөрес аңламауда икәнлеге булуын да аңлаттылар.

1 июньнән бар көченә лагерьлар эшли башлады.”Салават күпере” исемендәге мәктәп яны лагере үзенең эшен башлап җибәрде.Район “Шатлык” лагерена ял итәргә 5 укучыбыз китте.

Ямьле  җәй дә җитте.  Күңелле походлар , экскурсияләр башланды.