22 нче октябрь көнне   Г. Камал исемендәге Сикертән гомуми белем мәктәбендә районара Мөхәммәт Мәһдиев  укулары булып узды. 2 нче турга узган укучылар бүген бирегә кабат көч сынашырга килделәр. 4 төрле секциядә эш кайнады. Фәнни-тикшеренү эшләре жюри тарафыннан бәяләнде.   Мәктәбебездән Гатауллина Фаягөл 2 нче, Мөхәммәтдинова Чулпан 3 нче урынны яулады. Кызларны җиңүләре белән чын күңелдән котлыйбыз! Киләчәктә дә зур уңышлар юлдаш булсын!

Федеральная служба по надзору в сфере образования и науки (Рособрнадзор) 22 октября 2015 года  проводит встречу с родителями по вопросам оценки качества школьного образования в режиме видеоконференцсвязи с участием руководителя Рособрнадзора  С.С.Кравцова.

Бүген ,21 октябрьдә,  башлангыч класс укучыларына Мәдәният дәресе үткәрелде.Мәктәптә  балаларга “Туган ягым –Татарстан” дигән темага әңгәмә үткәрелде.Әңгәмә уен формасында уздырылды,укучылар Казан шәһәре буйлап сәяхәт иттеләр. Ахырдан укуыларга “ Укучыларның мәдәни көндәлеге” тапшырылды. Конкурс шартлары,көндәлекне тутыру тәртибе аңлатылды.

“Кояшкай” исемендәге   Карлыгач балалар оешмасында торучы укучыларыбызга яңадан  11 укучы өстәлде. 2 класс укучылары мәктәбебезнең яшь карлыгачлары булдылар. Алар “Карлыгачның  туган як буйлап сәяхәте “ картасы белән таныштылар . Кемнәр алар карлыгачлар? дигән сорауга төрле иҗади биремнәр аша җавап эзләделәр һәм карлыгачларның кагыйдәләрен төгәл үтәргә сүз бирделәр. Без укучыларның намуслы, тырыш, үз  Ватанын сөюче гражданиннар булып үсүләрен телибез.

Мәктәп яны тәҗрибә участогында эш дәвам итә. Мәктәбебездә орлык әзерләүгә  зур игътибар бирелә. Без әзерләгән кишер, чөгендер орлыкларын авыл халкы бик теләп ала.

19 нчы октябрь көнне  Казан федераль университеты Филология һәм мәдәниятара багланышлар институтының татар филологиясе һәм мәдәниятара багланышлар бүлеге каршында эшләп килгән “Әллүки” әдәби иҗат түгәрәге россиякүләм “Шигъри Сабантуй” фестивале үткәрде. “Шигъри  Сабантуй” ул- яшь талантлар бәйгесе. Мәктәбебездән Әхмәтгалиев Ленар һәм Хисамиев Булат әлеге бәйгедә катнашып,  икенче турга уздылар, сертификатлар  һәм Рәхмәт хатлары белән бүләкләнделәр. Фестиваль барышында "Шагыйрь-трибун" дип аталган конкурс оештырылды. Катнашучылар  үзләре язган 1 шигырьне сәнгатьле итеп яттан сөйләп күрсәттеләр.Аларның чыгышын мәртәбәле жюри бәяләде. Татарстанның атказанган мәдәният хезмәткәре һәм сәнгать эшлеклесе , Г.Тукай исемендәге Дәүләт премиясе лауреаты Рәдиф Гаташ, Татарстан Республикасы хөкүмәтенең Мәдәният һәм сәнгатьне үстерү бүлекчәсе җитәкчесе , танылган шагыйрь, прозаик, драматург һәм әдәбият белгече Галимҗан Гыйльманов, М.Җәлил лауреаты, “Идел” журналының бүлек мөдире Рүзәл Мөхәммәтшин, яшь шагыйрь Булат Ибраһим  укучылар иҗатына югары бәя бирделәр, матур теләкләрен җиткерделәр. Танылган язучылар һәм шагыйрьләр белән уздырылган  остаханәләр балалар өчен бик файдалы булды.

Мәктәбебездә көз бәйрәменә әзерлек эшләре башланды. Һәр класс укучылары күргәзмә өчен яшелчәләрдән төрле композицияләр ясый башладылар. Бәйрәмгә яңа җырлар һәм биюләр өйрәнәләр. 

17 нче октябрь көнне 1998-2001 елгы укучылар Арча спорткомплексында кул көрәше буенча ярышта көч сынаштылар.Безнең мәктәп укучылары да актив катнашты:

Сафин Илгиз  9 кл-1 урын

Ибраһимов Илгиз 8 кл-1урын

Фәйзрахманова Рүзилә 7кл-1урын

Фәйзрахманова Айзилә 7кл-1урын

Фәйзрахманова Гөлзилә 11кл-2урын

Мөхәмәтҗанов Инсаф 11кл-3урынга лаек булдылар.Гомуми команда буенча 3 урын. Укучыларыбызны уңышлары белән котлыйбыз!  Алга таба да сынатмасыннар.

17 нче октябрь көнне Яңа Кенәр урта мәктәбендә 2003-2004 нче елгы кызлар һәм егетләр  арасында волейбол ярышы булып узды. Безнең егетләр командасы III урынны алды. Егетләрне чын күңелдән котлыйбыз.

   Ел саен ветеран укытучылар белән очрашу мәктәбебезнең иң якты, иң изге чараларының берсе булып санала. Укытучы. Кем генә тирән ихтирам белән телгә алмый икән бу исемне. Мәктәптә, укыту йортында белем бирүче, тормышта балаларга үз юлларын табарга булышучы, үзенең яшәү тәҗрибәсе белән шәхес тәрбияләүдә тирән эз калдыручы олуг зат ул. Күп еллар безнең мәктәбебездә эшләп, хәзерге вакытта лаеклы ялда булган хөрмәтле ветеран укытучыларыбызның һәрберсе безгә кадерле. Алар хәзер дә дәресләр бирергә әзер, күзләрендәге яшәү ялкыны күпләрне сокландырырлык. Шундый дәресләрнең берсен 16 нчы октябрь көнне 35 ел гомерен Ашытбаш урта мәктәбендә математика укытуга багышлаган Шәкурова Ания Зәкәрия кызы үткәрде.8 нче сыйныфта үткәрелгән дәрес күңелле узды.Укучылар х2=а тигезләмәсен чишәргә өйрәнделәр.Соңыннан билгеләр алдылар. Укучылар Ания апага шундый эчтәлекле, күңелле дәрес өчен рәхмәт әйттеләр, алдагы тормышында уңышлар, сәламәтлек теләделәр.

Сез дөньяда - иң белемле кеше,

Сезнең  дәрес - тормыш ачкычы.

Иксез-чиксез фәннәр дөньясында

Маяк бит Сез, әйдәп баручы.