Каникул вакытында  укучыларыбыз күңелле ял белән бергә хезмәтне дә онытмыйлар, тимурчыларыбыз һәрдаим өлкәннәребезгә ярдәм итеп торалар.

28  декабря в школе прошло родительское  собрание   в форме круглого стола на тему “Давайте поговорим”. Вместе с родителями участвовали старшеклассники.  Беседа шла в форме групповой работы. Участники выполнили 3 вида заданий, откровенно высказали свое мнение на предложенные ситуации,  сочинили хвалебные оды дети  в адрес родителей, а родители – детей.   В заключение  была предложена формула  американского психолога Д.Добса в помощь родителям и подросткам.

Буген Хәсәншәех төп гомуми белем мәктәбендә профсоюз членнары арасында шашка-шахмат буенча зона ярышлары булып узды. Чарада безнең мәктәп тә актив катнашты һәм яхшы нәтиҗәләргә иреште. Газ операторы Галиуллин С.В. шахмат буенча ир-атлар арасында 1 нче урынга, математика укытучысы Сәлимҗанова Г.Ә. шашка буенча хатын-кызлар арасында 2 нче урынга лаек булды. Аларны җиңүләре белән котлыйбыз һәм киләчәктә дә зур уңышлар телибез!

27 нче декабрь көнне башлангыч класс укучылары һәм әти-әниләр белән бергә спорт ярышлары үткәрелде. Әти-әниләр һәм укучылар 2 командага бүленеп ярыштылар. Төрле спорт уеннарында һәр команда үзенең җитезлеген күрсәтте. Соңгы нәтиҗәләр буенча командаларның очколары тигез булды, Дуслык җиңде.

Каникуллар башланса да мәктәптә төрле күңелле чаралар дәвам итә. Бүген   5-7 нче сыйныф укучылары һәм аларның әти-әниләре өчен “Башваткыч” уены оештырылды. Чарада хәтта әбиләр дә актив катнашты. Төрле концерт номерлары, кызыклы уеннар белән бергә үрелеп барган “Башваткыч” һәркемнең күңеленә хуш килде. Уенчыларга, актив катнашучыларга бүләкләр дә тапшырылды. Ахырдан бергәләп чыршы тирәли әйләнеп Яңа ел җырларын башкардылар.

26 нчы декабрь көнне мәктәбебездә башлангыч класс укучылары өчен  күңелле стартлар үткәрелде. Укучылар Кыш бабай һәм Кар кызы командасына бүленеп ярыштылар. Спорт уеннарында укучылар үзләренең активлыкларын һәм җитезлекләрен күрсәттеләр. Соңыннан нәтиҗә ясалды, Кыш бабай командасы җиңү яулады

Яңа  ел  алды  мәшәкатьләре  күңелле  дә, шатлыклы  да. Безнең   мәктәп  укучылары   бу  искиткеч  бәйрәмгә  бик  тырышып әзерләнделәр.  24 нче декабрь көнне  Яңа ел бәйрәмнәре гөрләп үтте. Барлык  кунаклар  һәм  балалар вакытны  күңелле  үткәрделәр, үзләренә  уңай  эмоцияләр  алдылар. Бәйрәм  бик  матур  узды.  Менә үзенең борчу-мәшәкатьләре, шатлык-куанычлары белән тагын бер ел үтеп китте. Аның урынына тагын да күбрәк бәхет-шатлыклар, күңелле мәшәкатьләр алып,  Яңа ел аяк баса.  Яңа  ел безгә бары яхшы хәбәрләр, муллык, тазалык, гаиләләребезгә иминлек, тынычлык алып килсен иде.