Зурлар төркеме балалары "Әниләр- безнең рәсемнәрдә" темасына куелачак күргәзмәгә әзерләнделәр.

Бакчада тәрбияче ярдәмчесе булып эшләгән Галимова Нурфия апага55 яшь тулды. Аны озату уңаеннан балалар бик матур чыгыш ясадылар,аңа карата ягымлы сүзләр әйттеләр.

Армия көненә багышланган музыкаль кичәдә тәоле биюләр, җырлар, уеннар башкарылды.Кичә тәрбияви мәгънәдә узды.

Зурлар төркеме балалары әтиләргә бүләккә солдат рәсеме кисеп ябыштырдылар. Армия көненә бгышланган бәйрәм иртәсенә хәзерлек бара.

Бакчада уенчык почмагы яңартылды.Яңа , матур курчаклар, башка төрле уенчыкларга балалар бик сөенделәр.

Үз кулларыбыз белән утыртылган суганнан тиздән яшел кыяклар үсеп куандырыр.. Бу шөгыль балаларга хезмәт тәрбиясе бирә, тирә- юнь белән танышырга ярдәм итә.

Зурлар төркеме балалары белән юл кагыйдәләрен өйрәнү дәвам итә. Алар бүген бик теләп светофор рәсеме дә ясап куйдылар.

Әти - әниләр ярдәме белән җимлекләр ясалды. Бигрәк тә Дилюснең әтисе ясаган җимлек матур да ,уңайлы да килеп чыкты.Балалар көн дә җимлеккә кунган кошларны күзәтәләр.аларга бик теләп җим салалар.

Яңа елга багышланган бәйрәм иртәсе бик күңелле узды. Кунак булып Тукай әкиятеннән кәүә белән сарык та килгәннәр иде.