Безнең мәктәп укучылары тирә- юньне чистартуда актив катнашалар. Бу эштә башлангыч сыйныф укучылары да читтә калмадылар. Алар чишмә яннарын, стадион мәйданын чүп- чардан чистарттылар. Балалар табигатебезне ямьләндерүдә зур өлеш кертүләренә бик шат булдылар.

      26 апрель көнне башлангыч сыйныф укучылары, Салахова Р.А., Галаутдинова Л.Р., Мингазова Р.Х. җитәкчелегендә,  "Су әбисе ник елый? " дип исемләнгән әкият- тамаша күрсәттеләр. Тамашачылар әйләнә- тирәбезне сакларга кирәк дигән фикердә калдылар.

        25 апрельдә башлангыч сыйныф укучылары "Җир- туган йортыбыз" исемле белем марафонында катнаштылар.

        Укытучы Сабирова Лилия Сәгытдин кызы балаларны "Җир планетасы", "Замана Робинзоннары", "Экология" маршрутлары буенча сәяхәткә чакырды. Әлеге чараның максаты: бүгенге дөньяның экологик проблемалары турында укучыларның белемнәрен актуальләштерү, аларда анализ ясый белү күнекмәләре булдыру , эйләнә- тирәлеккә җаваплы караш тәрбияләү.

        Кроссвордлар һәм экологик мәсьәләләр чишеп, сорауларга җаваплар биреп укучылар табигать законнарын бозмаска кирәк икәнлегенә төшенделәр.

        Чара ахрындаукучылар әйләнә- тирәлек белән җылы гармониядә яшәячәк "киләчәк кешесе" моделен дә төзеделәр.

      24 апреля учительница начальных классов Галаутдинова Л.Р. провела игру- викторину  "Литературный ринг". Победила команда "Три молодца".

     24 апреля в школе проведены Парламентские уроки на тему: «Государственная символика Российской Федерации и Республики Татарстан».

23 апрель көнне 1-4 сыйныфлар өчен Сәлахова Р.А. "Зирәкләр һәм тапкырлар" бәйгесе уздырды. Укучылар бик теләп һәм актив катнаштылар.  Башлангычта иң-иң зирәкләр булып түбәндәге укучылар билгеләп үтелде: 1 урын- Нуруллин Фаил (13 очко), 2 урын- Сабиров Илфир (5 очко),  3 урын- Гимадиев Фәнил, Нуруллин Ирек һәм Зиннәтуллин Фәнил (4 очко).

22 апрельдән мәктәптә башлангыч сыйныфлар атналыгы башланды.

22 апрель көнне 1-4 сыйныфлар өчен математика фәненнән  Мингазова Р.Х. олимпиада үткәрде. Һәр сыйныфтан җиңүче билгеләнде: 1 сыйныфтан- Зиннатуллина Роза, 2 сыйныфтан- Шәфигуллин Илназ, 3 сыйныфтан- Нуруллин Ирек, 4 сыйныфтан- Нуруллин Фаил.

        4 апрель көнне Дәвеш мәктәбендә Халыкара балалар китабы көненә багышланган шигырь конкурсын китапханәче Гисматуллина Фәридә үткәрде. Бәйгедә 2- 9 сыйныф укучылары китап турындагы шигырьләрне сәнгатьле итеп сөйләделәр.    1 урынны 4 сыйныф укучысы Хәлиуллина Рания, 2 урынны 9 сыйныф укучысы Гиззатуллин Фаил,  3 урынны 8 сыйныф укучысы Загидуллин Илназ алды. Соңыннан укучыларга истәлекле бүләкләр тапшырылды.

     23 март көнне мәктәптә “Нәүрүз” бәйрәме үтте.  Барлык укучылар урамда милли уеннар уйнадылар: чүлмәк ваттылар, капчык киеп чаптылар, бүләкләр кистеләр, аркан тарттылар, кашыкка йомырка куеп йөгерделәр. Яз турында шигырьләр сөйләделәр, карачкы яктылар. Карга боткасы пешереп ашадылар. Бәйрәм күңелле үтте.

   1 сыйныф укучылары матур итеп укырга, язарга, санарга өйрәнделәр. Шул уңайдан мәктәптә Әлифба бәйрәме узды. Бу бәйрәмдә балалар матур итеп шигырьләр сөйләделәр, җырлар җырладылар, табышмаклар чиштеләр. Алар әти- әниләренә, укытучыларына тырышып укырга вәгъдә бирделәр.