4 нче класста "Муса Җәлил һәм аның көрәштәшләре" дигән тәрбия сәгате узды. Укучылар Муса  Җәлилнең шигырьләрен укыдылар һәм ятладылар.

2-3 сыйныфларда "Дус булуга ни җитә?" дигән темага тәрбия сәгате узды. Укучылар Муса Җәлилнең "Кечкенә дусларга" җыентыгыннан шигырьләр укыдылар ("Дуска", "Күршеләр" һ.б.). Шигырьләрдән күренгәнчә, дуслар булганда барлык авырлыкларны җиңеп булуына төшенделәр. Ахырдан "Дусларың күпме?" дигән темага тест эшләделәр. 

25 нче февраль көнне Апас үзәк китапханәсендә "Җитмешенче җиңү язы" дип исемләнгән шигырь бәйгесе булып узды. Безнең мәктәптән 4 нче сыйныф укучысы Шәфигуллин Илназ, 6 нчы сыйныф укучысы Хәлиуллина Рания дә бу бәйгедә уңышлы чыгыш ясап кайттылар.

25 февраль көнне "Ел укытучысы" бәйгесендә безнең мәктәпнең инглиз теле укытучысы Гәләтдинова Чулпан Шәүкәт кызы "За творческий подход в обучении" дигән номинациядә җиңү яулап кайтты. Киләчәктә дә аңа уңышлар теләп калабыз.

Бүген мәктәбебездә район мәгариф бүлеге җитәкчесе Әхмәтшин Р.Р. катнашында ата-аналар җыелышы үтте. Көн тәртибендә ике сорау каралды:

1) 9 нчы сыйныфларның чыгарылыш имтиханнары

2) мәктәпкә керүче балаларның әзерлекләре

26 нчы февраль көнне 4 класста "Беркем дә онытылмады" дигән темага тәрбия сәгате узды. Укучылар якташ геройларыбыз белән таныштылар.

18 февраль көнне безнең мәктәп укучылары "Йолдызлык" бәйгесендә катнашып кайттылар. Нәтиҗәләр буенча 1 нче сыйныф укучысы Гыйсмәтуллина Гөлназ "Вокал-соло" номинациясендә 2 урын яулап кайтты. Уңышлар телибез аңа!

25.02.2015 көнне 6 нчы сыйныфта (сыйныф җитәкчесе Хөсәенова Д.Р.) "Якташларыбыз-Советлар Союзы геройлары" исемле сыйныф сәгате үтте.

Бөек Җиңүгә 70 ел тулу уңаеннан Дәвеш мәктәбе укытучылары һәм укучылары тарафыннан әзерләнгән "Җиңү салюты" исемле концерт Дәвеш һәм Колгына авыллары мәдәният йортларында күрсәтелде. Тамашачылар аларга көчле алкышлар белән рәхмәтләрен белдерделәр.