5 январь көне Апасның мәдәният йортында отличниклар,төрле конкурсларда җиңүче балалар өчен Глава елкасы булды.Безнең мәктәптән дә “5” ле билгесенә генә өлгергән укучыларыбыз Кыш бабай бүләге  алдылар.Каратун мәктәбе укучылары оештырган яңа ел тамашасы да балалар күңеленә хуш килде.

Мәктәбебез янындагы боз мәйданчыгы балалар тавышыннан гөрләп тора. Укучылар тимераякта шуалар. Шулай ук хоккей уеннары да уздырыла.

Апас янәшәсендә быел 3 ай элек кенә төзелеш эшләре башланган “Яр буе” ял-спорт комплексында “Апас чаңгы юлы” кышкы сезонын ачу тантана-спорт бәйрәмендә районның барлык мәктәпләре, аграр көллиятнең 20 командасы составында 200 гә якын укучы һәм студентлар катнашты. Узган елгылардан аермалы буларак, бу юлы кышкы спорт сезонын ачу тантанасында спорт яратучылар өчен 3 һәм 5  километрлы чаңгы дистанцияләре белән беррәттән тимераякта узышу өчен бозда 50 метрлы махсус шугалак та әзерләнгән иде. 

25 нче декабрь көнне 1- 9 нчы сыйныф укучыларының Яңа ел бәйрәме  булды. Бәйрәм чын кышкы сихри әкияткә охшаган иде. Бик күңелле узды.

25 нче декабрь көнне  ата-аналар  өчен җыелыш булды. Биредә 2 нче чиреккә йомгак ясалды, каникулда куркынычсызлык кагыйдәләре аңлатылды.

Мәктәбебез укучылары район хәрби комиссариаты тарафыннан оештырылган "Ягез  әле,  егетләр!" уенында катнаштылар.