17нче октябрь көнне, Болын-Балыкчы авылында  узган көрәш ярышларында  9нчы сыйныф укучысы 1нче урын, ә 8нче сыйныф укучысы 3нчы урын яулап кайттылар. Молодцы егетләр!

Бүген мәктәбебездә, башлангыч сыйныф укучылары өчен  юлларда йөрүнең яңа кагыйдәләре темасына әңгәмә булып узды.  Әлеге әңгәмәне юлда йөрү куркынычсызлыгының өлкән инспекторы Гафуров Р. Р. уздырды. Ул, укучыларга көннең караңгы вакытында яктылыкны кире кайтаручы беләзекләр бүләк итте.

Бүген районыбызда Өлкәннәр ункөнлеге уңаеннан зур ярминкә үтте. Безнең мәктәп тә әлеге ярминкәдә катнашты.

Быелгысы уку елында мәктәп яны тәҗрибә кишәрлегенннән  укучылар тырышлыгы белән мул уңыш җыеп алынды.  Әлеге уңыштан, укытучылар һәм техник хезмәткәрләр кышка бик күп кайнатмалар, слатлар әзерләделәр.

Бүген мәктәбебездә, укытучылар коллективы һәм  җирле үзидарә белән берлектә корбан ашы уздырылды. Әлеге мәҗелескә авылыбызның картлары чакырылган иде.

Мәктәбебезнең,  "Сәләт"  балалар үзәге каршында оешкан "Флористика" кружогына йөрүче балалар өлкәннәр көненә бүләкләр әзерләделәр.  Алар әлеге чәчәк бәйләмнәрен үзләренең дәү әниләренә тапшырырга булдылар.

Бүген мәктәбебез базасында, район мәгариф бүлеге боерыгы нигезендә 5нче  сыйныф укучылары өчен рус теленнән кереш тест үткәрелде. Анда барлык укучыларда катнашты.

Бүген мәктәбебезнең укытучылар һәм укучылар коллективы көзге табигатькә ял итәргә чыктылар. Анда күңелле уеннар уйнадылар, төрле ярышлар уздырдылар.