Бүген мәктәптә ата-аналар җыелышы үтте.
Җыелышта участок инспекторы, полиция майоры Мингалиев Ф.М., МЧС өлкән инспекторы Кашапов Р.Р., ата-аналар комитеты председателе Гобәйдуллина Г.В. катнашты.
Көн тәртибендә түбәндәге мәсьәләләр каралды:
-укучыларга һөнәри юнәлеш бирүдә гаиләнең роле;
-язгы каникул чорында укучыларның куркынычсызлыгын кисәтү;
-янгыннан саклану чаралары, тәртипсезлекләрне булдырмау;
-мәктәптә һәм өйдә телефоннарны куллану таләпләре; районда үткән җыелыш яңалыклары;
- ялны файдалы һәм күңелле итеп үткәрү;
-ОГЭ,ВПР -га әзерлек, чирек нәтиҗәләре белән таныштыру;
-дөрес туклану, ата-аналар контроле һәм башкалар.
Ата-аналар игьтибарына укучыларның проектлары, ирешкән уңышлары, иҗат эшләре тәкьдим ителде.

Бүген укучылар Миңнебаев И.Х. истәлегенә үткәрелгән l туган тел олимпиадасында катнаштылар.

Быел мәктәптә укучыларның проект яклый башлауларына 5 ел булды. Укучыларның ел саен актуаль темаларны яктырткан яңа төр проектлар өстендә эшләүләре бик куанычлы күренеш.
Бүген 1 нче этапта башлангыч сыйныф укучылары, икенче этапта 5-9 сыйныф укучылары үз эшләрен тәкъдим иттеләр. Һәр төркем, Һәр укучы проект эшчәнлегенең асылына төшенеп, аңлап башкарганы ачыкланды.
Афәрин, укучылар. Сез булдырдыгыз!

Игра "Знатоки русского языка" (рук. Мухаметзянова Л.А.)

В 9 классе сегодня прошел "Урок цифры" по теме "Приватность в цифровом мире"

Бүген 1нче сыйныфта "Рәхмәт сиңа, Әлифба!"бәйрәме(җитәкчесе Идиятуллина А.Х.) югары дәрәжәдәге әзерлек белән үтте. Кичәдә әлифба, туган тел турында шигырьләр сөйләнде, җырлар җырланды, мәкальләр төзелде. Соңыннан хор белән "Туган тел" җыры башкарылды.

Бүген 9 нчы сыйныф укучысы Вафина Адилә районда үткән "2021 ел-Татарстан Республикасында туган телләр һәм халыклар бердәмлеге елы"на старт бирелү тантанасында авылдашыбыз, халык шагыйре Шәүкәт Галиевкә багышланган күргәзмәне биик оста итеп яклап кайтты. Афәрин, Адилә. Булдырасың!

Бүген мәктәптә 2021- "Татарстан Республикасында туган телләр һәм халыклар бердәмлеге", "Россиядә фән һәм техника" елларына старт бирелде

Бүген "Ел укытучысы-2021" конкурсының муниципаль этабы үтте. Бакырчы мәктәбеннән башлангыч сыйныф укытучысы Идиятуллина Алсу Хәйдәровна 1 нче сыйныф укучылары белән әйләнә-тирә фәненнән ачык дәрес һәм "И тау ягым, туган ягым" темасына сыйныфтан тыш чара күрсәтте.
Афәрин! Киләчәктә уңышлар насыйп булсын!

Бүген мәктәбебезнең ИЗО һәм технология укытучысы, китапханәчесе Вафина Раилә Миннеһади кызының күркәм юбилее.
Раилә Миннеһадиевна! Сезне гомер бәйрәмегез белән тәбрик итәбез. Сезгэ озын гомер, ныклы сәламәтлек, эшегездә зур уңышлар телибез. Һәрчак шулай көләч, киң күңелле, ачык, ярдәмчел, укучыларның киңәшчесе булып калыгыз. Бәйрәмегез котлы булсын!