Бөек Җиңүнең 70 еллыгана багышланган бакчаның планы нигезендә 10 февраль көнне зурлар, мәктәпкә баручылар һәм уртанчылар төркеме  өчен Яңа Нәдер урта мәктәбе тарих укытучысы Мусина Раушания Гатуф кызы белән очрашу уздырылды. Ул балаларга сугыш чорындагы авырлыклар, авылыбыздан Ватан сугышында катнашкан бабаларыбыз турында бик матур итеп сөйләде. Мәктәп музеенда сакланып килә торган авылыбыз ветераннары турында мәгълүмат тупланган альбомнарны балалар бик кызыксынып карадылар. Җиңү турында, солдат хезмәте турындагы җырлар һәм шигырьләрне дә яратып башкардылар.Бу очрашу балаларда зур кызыксыну уятты.