Без Татарстанның нефтьчеләр башкаласы Әлмәт шәһәрендә яшәвебез белән горурланабыз.Чөнки безнең яктан иң күренекле композиторлар, галимнәр, шагыйрьләр чыккан. Бүгенге көндә аларның иҗатын өйрәнү бик мөһим. Шундый шагыйрәләребезнең берсе - Клара Булатованың тормышын һәм иҗатын өйрәнүгә зур урын бирәбез.Аның иҗатын берничә яктан күзәтү, өйрәнү һәм өйрәтү безнең бурычыбыз. Үзебезнең алдыбызга аның балалар өчен язган әсәрләрен анализлауны, шагыйрә кулланган туган ягыбыз табигатен сурәтләү чараларын өйрәнү, шагыйрә иҗатына керәшен фольклорының йогынтысын күзәтүне бурыч итеп куябыз.

Шуны күздә тотып,  8 нче сыйныф укучыларының дәресенә К.Булатова килгән иде. Әлеге дәрес-очрашу  тәртибендә үтте. Шагыйрә үзе турында кыскача мәгълүмат сөйләде,укучылар шигырьләрен яттан сөйләделәр.Очрашу бик күңелле һәм нәтиҗәле үтте.