2016 нчы елның 16 нчы февралендә Әлмәт шәһәре 1 нче лицей-интернатында каһарман шагыйрь Муса Җәлилнең тууына 110 ел тулуга багышланган батырлык дәресе үтте. “Эш күрсәткән ирне ил онытмас” темасына сәнгатьле укылган шигырьләр, проектлар 7-9 нчы сыйныф укучыларында шагыйрь иҗатына, батырлыгына карата хөрмәт, горурлану хисләре уятты. Рафаэль Төхватуллин премиясе лауреаты, шагыйрь, узешчән композитор Рузалия Галлямова белән берлектә “Сәгать”, “Кызыл ромашка”, “Җырларым”, “Дулкыннар” җырларын башкару Җәлилнең кеше буларак ныклыгына, рухи байлыгына сокландырды.