Гомрем минем моңлы бер җыр иде,
Үлемем дә яңрар җыр булып...
М.Җәлил.
Кичә,ягъни 15 нче февральдә ,татар шагыйре, Советлар Союзы Герое, Ленин премиясе лауреаты Муса Җәлилнең тууына 120 ел тулды.
Дөнья поэзиясе күгендә якты йолдызлардай балкыган шагыйрьләр аз түгел. Әмма алар арасында азатлык көрәшенең ялкынлы җырчылары, шул көрәштә батырларча һәлак булган легендар геройлар – инглиз шагыйре Джордж Байрон, венгр шагыйре Шандор Петефи, испан шагыйре Гарсиа Лорка, болгар шагыйре Никола Вапсаров, чех язучысы, публицист Юлиус Фучик һәм татар шагыйре Муса Җәлил исемнәре бар.
Патриот-шагыйрь Муса Җәлилнең шигъри таланты, сугышчан батырлыгы һәм хәрби оештыру осталыгы фашизмга каршы аяусыз көрәштә бөтен тулылыгы белән ачылды. Аның исеме дөньяда үзенең Ватанына, үз халкына турылыклы булуның гүзәл символына әйләнде. Муса халыклар дуслыгы җырчысы буларак җир йөзендә зур соклану тудырды.
Муса Җәлил поэзиясе тау елгасы кебек көчле һәм ярсу да, кырыс һәм шаян да, дәртле һәм сагышлы да.
Шагыйрь үзе үлсә дә, фашистлар аның ялкынлы җырларын, көчле рухын юк итә алмадылар. Муса Җәлил илгә җыр булып кайтты.
Аның исемен татар халкы мәңгеләштерде. Казандагы Татар дәүләт опера һәм балет академия театры Муса Җәлил исемен йөртә. Башкалабызның үзәгендә аңа һәйкәл куелды. Ул яшәгән фатирда музей ачылды. Татарстанда Җәлил исемендәге бистә бар. Муса Җәлилгә багышлап романнар, поэмалар, опера, җырлар, сынлы сәнгать әсәрләре иҗат ителде.
Бүген,авыл китапханәчесе Гөлфәридә Имамовна, балаларны М.Җәлилнең китаплары белән таныштырды. Аглямов А. "Кызыл ромашка" шигыреннән өзек сөйләде

Бүген Татарстан Республикасы Дәүләт гербы көне билгеләп үтелә. Ул ТР Югары Советы Карары белән 1992 елның 7 февралендә расланган.

8 февральдә Россия Фән көне билгеләп үтелә.
Бүген балалар бакчасында " Безнең ачышлар" исемле фән көненә карата мероприятие булып үтте. Балалар фән өчен бик кирәкле микроскоп,лупа,колбалар белән таныштылар.

Ут – табигатьнең иң зур могҗизаларыннан берсе. Аның белән кеше үз яшәеш чорында танышкан. Ул кешегә җылылык, яктылык бүләк иткән. Әмма кеше контроленнән чыгып, ут куркыныч бәла-казага әверелергә дә мөмкин. Бәхетсез очракларның күбесе еш кына караучысыз калдырылган балаларның ут белән уйнавы нәтиҗәсендә килеп чыга. Алар ялгызы калгач, тирә-якны күзәтә һәм өйрәнә башлый. Кызганычка каршы, җиңел фикер йөртеп, шырпы яки зажигалка кебек әйберләрне бала үрелеп алырлык урында калдыру кебек битарафлык күрсәтү очраклары аркасында аяныч вакыйгалар кабатланып тора. Янгыннарны булдырмас өчен аның ни өчен килеп чыгуы турында белү мөһим.
Бүген үткән мероприятиедә балалар өчен бигрәк тә «Янгын сүндерүчеләр» рольле-сюжетлы уенын уйнау кызыклы булды. Алар уйнадылар да һәм бер үк вакытта практикада янгын куркынычсызлыгы кагыйдәләрен үзләштерделәр.

Бөек татар шагыйре Габдулла Тукайның тууына 140 ел тулу уңаеннан Татарстанда «Тукайны бергә укыйбыз» дигән проект старт алды.
Югары Әлморза авыл китапханәсе дә бу проектка кушылды һәм шагыйрьнең шигырьләрен укуны дәвам итә.
Бу атнада безнең "Алсу" балалар бакчасында да  Габдулла Тукай әкиятләренә сәяхәт кылдык.

Балалар бакчасында Яңа ел бәйрәме!
Якынлашып килуче Яна ел белэн, барыгызны да!
Алдагы өр-яңа ел бары бәхет-куанычлар гына алып килсен.
Туасы таңнар тыныч булсын.
Гомер юлларыбыз шатлык белән тулып торсын һәрчак.
Кызыклы очрашулар, бәхетле мизгелләр күп булсын.
Яңа ел белән сезне, киләсе еллар бәхет китерүче еллардан булсын!!

Су һәм кар белән ясалган сыннар матур, тик көннәр әз генә җылытты исә, алар төсле кар өермәләренә әйләнеп калалар.. Шуңа күрә бернинди карлы-яңгырларга да бирешми торган , яңа ел символларын - Кыш бабай һәм Кар кызы сыннары ясарга булдык!
Балалар инде бәйрәмне хәзер үк түземсезлек белән көтәләр!

Бөтендөнья татар конгрессы, Татарстанда 2026  нчы елны  -  Габдулла Тукай елы дип игълан итте. Бу инициатива белән «Милли Шура» советы рәисе Васил Шәйхразиев чыгыш ясады, һәм ул Советның барлык әгъзалары тарафыннан бертавыштан хупланды.

Бу карар шагыйрьнең тууына 140 ел тулу уңаеннан кабул ителгән.