Авылыбызның иң олы кешеләренең берсе- Нотфуллина Илһамия Әкбәр кызы. Аңа 96 яшь. Ул 1929 нчы елның 23 гыйнварында Әлки районы Карга авылында ишле гаиләдә бишенче бала булып туа.

1941 елда Бөек Ватан сугышы башланганда Илһамия апага 12 яшь була. Сугыш елларында  авырлык яшүсмерләр җилкәсенә дә төшә. 13-14 яшьлек кыз авылдашлары белән урман кисү эшенә җибәрелә. Ул елларны искә алып:

-Авылдашым Мирза абый белән бер бригадага эләктем, ачлы-туклы урман кистек,- дип ачынып сөйли Илһамия апа.

Сугыштан соң бераз хәлләнгәч, авылдашы Нотфуллин Әсхәт белән тормыш коралар, 59 ел бергә яшәп, өч бала үстерәләр.

 Илһамия апа гомер буе колхоз эшендә хезмәт итеп, лаеклы ялга чыга. Аңа Хезмәт ветераны дигән мактаулы исем бирелә, сугыш елларында тылдагы хезмәте, җиңү өчен керткән өлешен искә алып, Сугыш ветераны исеменә лаек була.

 Тормыш иптәше Әсхәт абый 2011 елда дөнья куйганнан соң, Илһамия апа балалары белән бергә яши. Төп нигезне ташламыйча, әниләренә кадер –хөрмәт күрсәтеп, бергә гомер итәләр алар.

 Инде үзләре дә олыгаеп баручы Илһамия апаның балалары, Җиңүнең 80 еллык бәйрәмен күрә алган әниләре өчен шатланып, дөньялар гына тынычлансын иде инде дип телиләр.

Ученики школы участвуют в Акции "Георгиевская ленточка" 

26 апрельдә бөек шагыйребез Габдулла Тукайның туган көнендә, татар халкы Туган тел көнен билгеләп үтә.

Башка бәйрәмнәр һәм истәлекле даталар белән беррәттән, бу көн һәркайсыбызның күңелендә аерым урын биләп тора. “Туган телеңне онытсаң, рухыңны югалтырсың…”– дип язган шагыйрь. Туган телен белмәгән кеше үз халкыннан да, милли тамырларыннан да аерыла, туган җиренә дә ят була. Без күп­милләтле илебездә төрле телләрнең һәм үзенчәлекле диалектларның байлыгын һәм аһәңен саклап калырга тиешбез. Туган тел көне   һәрвакытта да тынычлык, дуслык һәм татулык бәйрәме булсын!