Бүген, 20 нче февральдә 6-7 нче сыйныф укучылары белән “Без булачак сайлаучылар” темасына сыйныф сәгате үткәрелде. Галиева Р.Җ. кызы укучыларны сайлау тәртибе, сайлаучының хокуклары һәм бурычлары белән таныштырып үтте. Бу темага кагылышлы презентация каралды.

19 нчы февральдә Олы Тигәнәле мәктәбендә “Башлангыч сыйныф укучысы моделе” район конкурсының зона этабы узды. Безнең мәктәп укучысы Розыева Сиринә (җитәкчесе Гимадеева Г.Х.) катнашып “Тамашачы мәхәббәте” номинациясендә җиңүче булды.

В актовом зале школы прошла встреча с агитбригадой из города Казани, возглавляющего Республиканский молодёжный агитационный поход “Марш Памяти 2014”. Учащимся были показаны литературно-музыкальные композиции, посвященные памяти воинов Великой Отечественной войны, и рассказы о поисковой работе. Была организована выставка оружия и предметов быта солдат Великой Отечественной войны.

“Салют сиңа Муса Җәлил” дигән тема астында дружина җыены булды. М. Җәлилне искә алып укучылар аның шигырьләрен сәхнәләштерделәр, яттан сөйләделәр.

Түбән Кама шәһәрендә үткәрелгән "Туган телем – серле тел” исемле ачык республика бәйгесенә нәтиҗә ясалды. Татар язучылары әсәрләрен туган телебездә сәнгатьле сөйләү конкурсында безнең мәктәп укучылары да актив катнашты. 10 нчы сыйныф укучысы Ахметова Айсылу (җитәкчесе Мухаметзянова Г.А.) “Туган ил” номинациясендә II дәрәҗәдәге Диплом һәм 2 нче сыйныф укучысы Камалов Самат (җитәкчесе Камалова С.Р.) “Яшел яфрак” номинациясендә иҗатка якын килү Дипломы белән бүләкләнде. Миназова Ильвина, Мухаметзянова Айгөл (җитәкчесе Мухаметзянова Г.А.), Розыева Сиринә (җитәкчесе Гимадеева Г.Х), Хисмиева Илсинә (җитәкчесе Заббарова Г.Р.) катнашучы таныклыгына ия булдылар.

Бүген 14 нче февраль көнне 1нче сыйныф укучылары Әлифба китабы белән саубуллашу кичәсен уздырдылар. Күптән түгел генә укырга керүләренә карамастан, нәни дусларыбыз инде бик күп төрле һөнәрләр үзләштергәннәр. Кичәне зур дулкынлану белән әти-әнләр, укытучылар, башка сыйныф укучылары карап утырды. Бәйрәм бик күңелле узды.

Бүген 14 нче февраль көнне мәктәптә 7-11 нче сыйныфлар арасында волейбол ярышлары булып узды.

Бүген — Бөтендөнья гашыйклар көне. Борынгы Рим империясендә билгеләнә башлаган бу бәйрәмне, безнеке булмаса да, үз итеп өлгердек. Хәтта, татарчалаштырып, “Изге Вәли” көне дип тә йөртә башладык. Мәктәптә бу көннең иң истә калган вакыйгасы Валентинка бирү һәм кабул итеп алудыр мөгаен. Әле ахырдан аларны санаулар, кемдә күбрәк, кайсылары матуррак икәнен ачыклаулар, күпкә шатланып, азга көенеп йөрүләр кемнең генә башыннан үтми икән? Бүген безнең мәктәптә дә “Гашыйклар почта”сы эшләде. Һәрбер кеше шунда үзенең бүләген салды. Дәресләрдән соң алар үз хуҗаларына тапшырылды.

Бүген мәктәптә хәрби – патриотик айлык планы буенча бадминтон, теннис, шашка ярышлары үткәрелде.

9-11 нче февраль көннәрендә безнең мәктәпнең 10 нчы сыйныф укучысы Ахметова Айсылу Казан шәһәрендә уздырыла торган Республика татар теле олимпиадасында катнашты. Айсылу ТР фән һәм мәгариф министырлыгы таныклыгына ия булды. Киләчәктә дә уңышлар телибез сиңа, Айсылу!