26 август көнне Актаныш мәдәният йортында мәгариф хезмәткәрләренең “Заманча мәгариф: яңа таләпләр, яңа җаваплылык, яңа мөмкинлекләр” темасына август киңәшмәсе узды.  Киңәшмәдә бик күп темаларга күргәзмәләр оештырылгын иде. Күргәзмәдә безнең мәктәп Казанда фәнни – техник иҗат конкурсында катнашкан “Протон” ракета моделе (яклаучысы – 7 класс укучысы Мусин Алмаз) һәм “Патриотик тәрбия бирү – үзәктә” стенды (җитәкчесе – тәрбия эшләре буенча директор урынбасары Мусина Г.М.) белән катнашты. Стенд 2014 – 2015 нче уку елында укучыларның һәм укытучыларның “Бөек Җиңүнең 70 еллыгына” багышланган эшчәнлегенә отчет итеп эшләнгән иде.