26 майдан 28 майга кадәр Казан шәһәрендә балаларның техник иҗатын яклау һәм үстерү буенча муниципаль мәгариф оешмалары арасында Республика фестивале узды. Анда безнең районнан да 18 укучы һәм 10 укытучы катнашты. Укучыларыбыз авиа-, авто-, ракета-, судо- модельләштерү, робототехника, картинг,  3D , авыл хуҗалыгы машиналарын уйлап табу, агач эшкәртү, тегү юнәлешләрендә үз белемнәрен, осталыкларын сынадылар. Бу фестивальдә безнең мәктәпнең 6 класс укучысы Мусин Алмаз һәм тәрбия эшләре буенча директор урынбасары Мусина Г.М. “Моя малая Родина”, “Детские игрушки” секцияләрендә район данын якладылар.  Гомуми нәтиҗәләр буенча безнең район лауреат исеменә һәм 50 мең сумлык грантка ия булды. Котлыйбыз!