30 нчы март көнне мәктәп директоры Ахметов Рәмзил Хуҗагали улы, тәрбия эшләре буенча директор урынбасары Мусина Гөлнара Миркасыйм кызы аерым фәннәрне тирәнтен үзләштерүле 2 нче Актаныш урта мәктәбе базасында оештырылган идарә тармаклары арасы семинарында катнаштылар. Семинарның темасы: “Районның белем бирү оешмаларында наркоманияне һәм психо-актив матдәләр куллануны профилактикалау”. Семинарның беренче өлешендә мәктәптә “Путь к успеху” программасының тормышка ашырылуы, “Имею право знать” дәресләрен үткәрү , “SMS дети” проектын тормышка ашыру, Эффектон комплексын кулланып тестлар уздыру күрсәтелде һәм тренинглар уздырылды. Икенче өлештә МКУ “Управление образования”нең тәрбия эшләре буенча методисты Барыева Л.Ф., МВД полиция башлыгы урынбасары Нуриев Ф.З., АЦРБ врач-наркологы Закиев И.Х., гомуми практика врачы, нарколог Минхуҗин Л.С. , АМР Башкарма комитетының социаль мәсьәләләр буенча урыбасары Шамсунова Л.Я., Башкарма комитет җитәкчесе Фаттахов И.Э. чыгыш ясады.