27 нче октябрь көнне Мусина Гөлнара Миркасыйм кызы Уразай төп гомуми белем бирү мәктәбендә “Мәктәптә эчке контроль” темасына уздырылган тәрбия эшләре буенча директор урынбасарларының район семинарында катнашты. Семинар класс сәгатләре карау һәм аларны анализлау белән башланып китте,  мәктәп музеена экскурсия белән дәвам итте, аннан укучылар “Дөньяда тырышлык икән, кешене кеше иткән” темасына сәламәтлек театры тәкъдим иттеләр. Мәктәпнең тәрбия эшләре буенча директор урынбасары Шайгзамова Л.М. тәрбия эшчәнлегенә анализ ясады, мәктәп директоры Шаймарданова Г.С. тәрбия эшчәнлегендә эчке контроль белән таныштырды. Семинарда мәгариф идарәсе методист-психологы Гыймадиева Ф.Ф. “Наркотикларга каршы эш оештыруга системалы якын килү “ темасына чыгыш ясады, мәгариф идарәсенең  тәрбия эшләре буенча урынбасары Шакирова Р.М. мәктәпләрдәге сайтларда тәрбия эшчәнлеге яктыртылуга анализ ясады һәм алда торган бурычлар белән таныштырды. Семинар эшлекле һәм файдалы узды.