Мәктәптә әниләр һәм кызлар катнашында бик күңелле чара үтте. Кичә котлаулар белән башланып китте. Токмач басу һәм кисү, сикергечтә сикерү, кызыклы сорауларга җавап бирү, хәрефләрдән сүз төзү, баланы мәктәпкә озату, әниләргә багышланган җырлар җырлау конкурслары үтте. Чараны татар теле укытучысы Хәбирова Мәйсәрә Фаис кызы һәм педагог – организатор Миргалимова Эльвира Вакыйф кызы алып бардылар. Һәр конкурс музыкаль номер белән чиратлашып барды. Музыка куючы Хәбиров Газинур Әнҗәп улына, баянчы Тимиров Рәсүл Хәмит улына бик зур рәхмәт. Кичә ахырында әниләр исеменнән Гәрәева Флүсә Сабит кызы рәхмәт сүзләрен җиткерде һәм җырын бүләк итте.