21нче февральдә Иске Җияш клубында Ватанны саклаучылар көненә багышланган зур концерт үтте. Концертны клуб мөдире Фәтхиева Илгинә оештырды. Кичәгә укытучылар коллективы , Теләкәй һәм Җияш укучылары җәлеп ителгән иде. Балалар үзләренең җырлары, биюләре, шигырь сөйләүләре белән авыл тамашачыларын сокландырдылар. Укучыларны әзерләүдә Иске Җияш башлангыч мәктәбе укытучылары Гәрәева Флүсә һәм Миңнегулова Светлананың зур хезмәтләре күренде. Кичәне үзе төзегән сценарий буенча Теләкәй мәктәбенең татар теле һәм әдәбияты укытучысы Хәбирова Мәйсәрә бик матур итеп алып барды. Баянчы Тимеров Рәсүл уйнаган көйләр катнашучыларны дәртләндереп торды. Аңа алмашка электрон музыканы Хабиров Газинур өзлексез тәэмин итеп торды. Һәр номер алкышларга күмелде. Кичә бик күңелле үтте. Авыл халкы бик рәхмәтле булды.