Һәр яңа уку елы укучылар,ата-аналар,мөгаллим-мөгаллимәләр күңелендә үзенчәлекле булып истә кала.Төрле вакыйгалар,кабатланмас чаралар,истәлекле очрашулар...2019-2020 нче уку елы да башкаларыннан үзгә булып, тарих битләренә кереп калыр. Вакыт агышына,заман таләпләренә,ихтыяҗларына җавап бирерлек белем һәм тәрбия бирүне максат итеп, ата-ана-укучы-мәктәп берлеге,бу уку елында да үз эшебезне тиешенчә башкардык. Мәктәбебез тормышы,эшчәнлеге белән кызыксынучылар,вакыйгалар белән танышып,белем йортыбызның сулышын тоеп,эш юнәлешен күреп,теләктәшлек күрсәттеләр.Һәр оештырылган чарага,акция,флешмобларга,конкурсларга теләп катнашкан укучыларыбызга,әти-әниләргә,һәр чараның башында торган педагоголарга рәхмәтебезне җиткерәбез. Илдәге санитар-эпидемиологик халәткә бәйле рәвештә дистанцион узган дүртенче чирекнең һәммәбез өчен дә сынау булуын да истән чыгармыйк. Барчабыз да исән- сау булыйк,гаиләләребез,якыннарыбыз имин булсын. Яңа уку елында сау-сәламәт булып,яраткан мәктәбебезгә җыелып,тәүге кыңгырау чыңын тыңларга насыйп булсын.Ә чыгарылыш класс укучыларына теләгән юлларын,уку йортларын сайлап,тормышта үз урыннарын табуын телибез. Барчагызны да бәйрәм белән!Имин,хәвеф-хәтәрсез каникуллар насыйп булсын!

Видеокотлауны мәктәпнең Instagram битеннән карый аласыз.