Патриотик айлык кысаларында планлаштырылган чараларның берсе 15 февраль көнне уздырылды. Авыл китапханәсе, мәдәният йорты,төп гомуми белем бирү мәктәб коллективы белән берлектә, “Әфганстан-йөрәк ярасы” дигән тематик кичә үткәрелде. Кичәдә отставкадагы офицер, хезмәт ветераны, мәгариф отличнигы  Яркәев Альберт Барый улы һәм 1981-83 елларда Әфган республикасында хәрби бурычын үтәп кайткан интернационалист сугышчы, Әҗмәт авылы егете Манихов Айрат Мәгъсүм улы катнашып, истәлек-хатирәләр белән уртаклаштылар. Якташыбыз Ә.Зәйнетдинов язган “Тәмугтан репортаж” китабына күзәтү ясалды. Чыгышлар күргәзмәләр, презентация белән тулыландырылган чарада катнашучы тамашачылар үзләрен кызыксындырган сорауларга җавап алдылар. Һәр чара  тәрбияви, мавыктыргыч итеп оештырылды.