Мәктәптә "Сыерчык оясы" акциясе уздырылды. Укучылар үз эшләрен тәкъдим иттеләр. Оялар зур тырышлык куеп эшләнгән. Бу акциядә бигрәк тә башлангыч класс укучылары актив ктнаштылар.

5 класс укучылары тыл ветераны Габдуллина Шамгыя апа белән очрашу үткәрделәр.

Мәктәптә сугыш һәм тыл ветераннарына Бөек Җиңүнең 70 еллыгына багышлап чыгарылган юбилей медален тапшыру тантанасы үткәрелде. Кичәдә район вәкиле Р.И.Гарипов, авыл җирлеге советы башлыгы Р.М.Нуриев, “Чиялек” хуҗалыгы җитәкчесе Х.Х.Гильметдинов катнашты. Сугыш һәм тыл ветераннарына котлау сүзләре җиткерелде, медаль һәм күчтәнәч каплары тапшырылды, укучылар тарафыннан концерт күрсәтелде һәм кичә чәй табыны янында дәвам итте.

2015 ел -Татарстан Республикасында парклар һәм скверлар елы дип игълан ителде. Шул уңайдан 12 март көнне Балалар иҗат үзәге базасында район күләмендә мәктәп укучылары арасында иң яхшы парк яки сквер проектлары һәм макетларына бәйге уздырылды. 6 класс укучысы Ситдиков Ирек «Туган авылдагы парк яки сквер" макетын тәкъдим итте һәм яклап, сертификатка ия булды. Җитәкчесе Мингазов Р.Г.

12 март көнне 1 нче Актаныш урта гомуми белем бирү мәктәбе базасында район мәктәп директорлары һәм тәрбия эшләре буенча директор урынбасарларының район семинары уздырылды. Биредә яшүсмерләр арасында суицидлар булдырмау турында сөйләштеләр. Семинарда район җитәкчелеге, мәктәп директорлары, психологлар һәм укучылар үзләре дә катнашты.

Яр Чаллы шәһәрендә татар теленнән КФУ үткәргән Төбәкара олимпиада булды. Анда безнең мәктәптән 9 класс укучысы Хуҗина Гөлнара катнашты һәм уңышлы чыгыш ясады.

7 март көнне 8 март бәйрәме уңаеннан мәктәптә "Ягез әле, кызлар!" бәйгесе үтте. Ярыш ике команда арасында барды. Кызлар үзләренең уңганлыкларын, аш-суга осталыкларын күрсәттеләр.

Кадерле хатын-кызларыбыз! Сезне язның беренче бәйрәме 8 март белән котлыйбыз.Сезгә сәламәтлек, гаилә бәхете, җан тынычлыгы,күңел күтәренкелеге телибез.

Бөек Җиңүнең 70 еллыгына багышланган "Йолдызлык - 2015" фестиваленең беренче этабы узды. Икенче турга үтүчеләрне котлыйбыз һәм уңышлар телибез!

2 марта в Лениногорском лицее прошла I Республиканская научно- практическая конференция «Мастерская учителя 21 века», в который приняли участие более 70 педагогов Республики Татарстан. В этой конференции принимали участие и педагоги из нашей школы Фатхуллина Людия Хамисовна и Гараева Альсина Фанасовна.