3 нче апрель көнне Актаныш технологик техникумы базасында “Ел укытучысы-2018”, “Ел тәрбиячесе - 2018”, “Ел сыйныф җитәкчесе – 2018” “Ел педагог- оештыручысы – 2018”, “Ел өстәмә белем бирү педагогы – 2018” ,“Ел педагог- психологы – 2018” Республикакүләм бәйгенең муниципаль этабы җиңүчеләре, лауреатлары хөрмәтләнде.  Мәктәбебездән Варина Тәзкирә Рифкат кызы мактау грамотаcы белән бүләкләнде. Котлыйбыз!!!

4 апреля в нашей школе началась последняя учебная четверть. Поздравляем всех учащихся с началом четверти, желаем всем сил, здоровья и терпения, так необходимых для успешного окончания учебного года!

Күркәм традицияне дәвам итеп, быел да Актаныш районында  Халыкара, Рәсәйкүләм, Республика фән олимпиадаларында җиңү яулаган укучыларны, аларны әзерләгән укытучыларны хөрмәтләү тантанасы узды. Мәгариф өлкәсендәге иң дәрәҗәле чараларның берсе булган тантана 30 март көнне Әлфия Афзалова исемендәге район мәдәният йортында оештырылды. 

Әлеге минутларда “Актаныш” универсаль спорт комплексында район башлыгы призына ел саен уздырылучы көрәш бәйгесе тәмамланды.  Нәтиҗәләр буенча, төп гомуми белем бирү мәктәпләре арасында Татар Ямалы  мәктәбе -  I урында. Котлыйбыз!!!

30 нчы март көнне район мәдәният йортында Габдулла Тукай исемендәге дәүләт бүләге иясе, шагыйрь Мөхәммәт Мирзаның 65 яшьлек юбилей кичәсе булып узды. Кичәдә татар теле һәм әдәбияты укытучылары Закирова М.К., Рахматуллина Э.Д., китапханәче Мухтарова А.А. катнашты.

26 -27нче март көнне 9 нчы класс укчылары рус теленнән һәм математика фәненнән ОГЭ биреп карыйлар. Аларга уңышлар телибез!

Бүген, ягъни 26 март көнне районның ресурс үзәгендә - Актаныш технология техникумында, 9 нчы класс укучыларының класс җитәкчеләре белән ата-аналары җыелышта катнашты.

23 нче март көнне авыл мәдәният йортында җирлектәге оешмаларның смотр концерты булып узды. Әлеге концертта укучылар һәм укытучылар коллективы актив катнашты.

Бүген иң озын өченче чиреккэ йомгак ясалды. Укучыларның язгы каникуллары башланды. Аның файдалы, кызыклы үтүен теләп калабыз.

22 март көнне Актанышның “Балалар иҗат үзәге” базасында "Без бергә"  дип исемләнгән Республика күләмендә оештырылган иҗат фестиваленең муниципаль  этабы булып узды. Безнең мәктәбебездән 2 нче класс укучысы Кашапов Камил "Сәнгатьле уку" номинациясендә сертификатка ия булды, 7 нче класс укучысы Варин Фидан "Родные просторы" фотоконкурсында  2 урын, 8 нче класс укучысы Мингазетдинова Альбина "Кул эшләре" конкурсында 3 урын яуладылар. Аларга киләчәктә дә уңышлар телибез!