27 ноябрь көнне  9 нчы сыйныф укучылары һәм аларның ата-аналары белән класс җыелышы уздырылды. Җыелышта “Гаилә нигезе - әхлаклылык”  дигән темага сөйләшү алып барылды. Укучыларның мәктәптә үз-үзләрен тотулары, алган билгеләре, ОГЭ га әзерлекләре турында класс җитәкчсе Р.Ш.Гыйльфанова эшлекле әңгәмә оештырды. Соңыннан укучылар әниләрне бәйрәм белән котлап концерт  номерлары күрсәттеләр, бүләкләрен тапшырдылар. Җыелыш бик эшлекле, күңелле узды. Әниләр дә, укучылар да канәгать калды.Форсаттан файдаланып, дөньядагы барлык әниләрне дә якынлашып килүче әниләр көне белән тәбрик итәбез. Туар таңнарыгыз тыныч, саулыгыгыз ныклы, гомерегез бәхетле булсын! Авырмый, кайгы-хәсрәт күрми, озын гомер итегез, балаларыгызның, якыннарыгызның игелеген күреп яшәргә язсын. Ныклы тазалык, озын гомер, ак бәхетләр белән мул тормышта яшәвегезне телибез.