3 март көнне, авылыбыз  горурлыгы, районда гына түгел, республикада танылган шәхес – РСФСРның атказанган табибы Миңзифа Исламова истәлегенә сигезенче тапкыр оештырылган чаңгы ярышы уздырылды. 42 ел дәвамында авыл халкы саулыгы өчен көрәшкән, бүген “Зифа” шифаханәсе сыйфатында  хезмәт күрсәтүче мәһабәт бинаны салдырып, эшләтеп җибәрү өчен көчен һәм вакытын кызганмый тырышкан данлыклы табибә Миңзифа Гаяз кызы үзе дә чаңгыда шуарга яраткан, сәламәт тормыш рәвешен тарату өчен күп көч куйган. Чарада безнең мәктәп укучылары да бик теләп катнашты. Муллаянов Альмир, Марданов Айрат, Мокыймова Алинә -  1 урын, Нафиков Айгиз – 2 урын, Хуҗин Рәмис – 3 урын алдылар. Истәлекле бүләкләр белән бүләкләнделәр.