Уку йорты белән якыннанрак таныштыру  максатыннан 11-12 апрель көннәрендә Актаныш технология техникумында ачык ишекләр көне үтте. Беренче көнне биредә Актанышның 1нче, 2нче, сәләтле балалар өчен гуманитар гимназия-интернатының чыгарылыш сыйныф  укучылары, барысы 150 кеше техникумдагы белем һәм тәрбия бирү процессы белән танышты. Ә 12 апрельдә районның калган мәктәпләреннән 200 укучы килде. Татар Суыксуы урта гомуми белем бирү мәктәбенең  9 класс укучылары да бу чарада катнаштылар.Техникум  белән танышып, укучыларның күңелендә шәһәргә китмичә, әти-әни янында яшәп тә кирәкле һөнәрне үзләштереп була икән  дигән  фикер тугандыр, дип ышанасы килә.