5нче ноябрь көнне 4 нче сыйныф укучылары төрле темаларга проект эшләрен якладылар. 

5нче апрель көнне “Оста куллар”темасы астында балаларның кул эшләренә күргәзмә оештырылды. Барлык укучылар да теләп катнаштылар, уку белән бер рәттән балаларның кул эшләренә оста булулары сөендерде.

4апрель көнне 1-2 класс укучылары арасында “Минем яраткан әкият героем” , 3-4 класс укучылары арасында “Туган ягым табигате” рәсем конкурсы уздырылды.

2 нче апрель –“Халыкара балалар китабы көне “уңаенан башлангыч класс укучылары авыл библиотекасында кунакта булдылар . Балалар Андерсенның әкиятләрен укыдылар,белгән әкиятләренен эчтәлеген сөйләделәр. Шагыйрә Элмира Шарифуллина китапларына күзәтү ясадылар, кайбер шигырьләрен укып күрсәттеләр.

Башлангычлар атналыгы кысаларында, 3 нче апрель көнне1-4 класс укучылары белән “Кошлар-безнең канатлы дусларыбыз!” дип исемләнгән кызыклы викторина үткәрелде. Балалар кошлар турында кызыклы мәгълүматлар белеп киттеләр, төрле сорауларга җаваплар бирделәр, кошлар турында җырлар җырлдылар.

1нче апрельдән 6 нчы апрельгә кадәр мәктәбебездә башлангычлар атналыгы башланып китте. “Кошлардан да җитез без”дигән тема астында 1-4 класс укучылары арасында, 2 командага бүленеп эстафета уздырылды. 

География-биология атналыгын тәмамлап укучыларның “Гаҗәеп хайваннар һәм үсемлекләр дөньясы” дип аталган рәсемнәр конкурсы булып узды. Рәсемнәргә урыннар чыгарылды, мәктәп линейкасында атналыкка нәтиҗәләр чыгарылачак.

Мәктәбебез укучылары география-биология атналыгында актив катнашалар. Бу көннәрдә алар стенгазеталар һәм экологик плакатлар эшләделәр. 5-7 класслар экологик плакатлар, ә 8 класс укучылары “ Антарктида” дип исемләнгән стенгазета чыгардылар.

География-биология кабинетында бу көннәрдә аеруча тыгыз эшчәнлек алып барыла. Укучылар өчен биредә кызыклы китаплардан торучы һәм металлар, тау токымнары үрнәкләреннән күргәзмәлелек оештырылган. 

Атналык кысаларында 5 класс укучыларына “Титаннар дөньясында” дип аталган, динозаврлар турында видеофильм күрсәтелде.Укучылар зур кызыксыну белән фильмны карадылар.