Яңа уку елы башлануын хәбәр итеп, Иске Сәфәр урта мәктәбендә дә чыңлады көмеш кыңгырау. Беренче сыйныфка керүче 16 бала өчен ул беренче тапкыр яңгырады.

 Бүген мәктәпләрдә һәр бала көтеп алган, кызыклы вакыйгаларга бай булган яңа уку елы башлана. Ул һәркемгә шатлык-сөенечләр, бары тик яхшы билгеләр генә алып килсен. Бәйрәм белән Сезне!

Белем бәйрәме котлы булсын!

Исәнме, мәктәп, исәнме!

 Без сине сагынып беттек.

Сентябрь ае җиткәнен

Түземсезләнеп көттек.

Менә бүген син каршы ал,

Ишекләреңне ачып.

Без ныклы белем алырбыз,

Дәрт, көчләр тора ташып.

Каршы алыр укытучы,

Каршылар сыйныфташлар.

Көмеш авазлы кыңгырау

Тәүге дәресне башлар.

Уважаемые Коллеги! Напоминаю Вас о необходимости предоставления информации по каждому сотруднику вашей организации (отдела, подразделения) об исполнении Распоряжения РИК И.Э.Фаттахова «Об электронных платежах за ЖКУ».

11 нче июнь көнне “Бантиклар көне” үткәрелде. 2 нче отрядтан Исмагилова Адилә җиңүче булды. Егетләр дә кызлардан калышмады,үзләрен төрле яклап күрсәттеләр.

9 нчы июнь көнне  “Табигатьне саклыйк!” театры белән Нижнекамскийның курчак театры  коллективы уңышлы чыгыш ясап, лагерь балаларын сөендерде, балаларда зур кызыксыну уятты

14  нче май көнне мәктәбебез укучылары район күләмендә үткәрелгән җәйге спартакиадада катнаштылар. 6 нчы класс укучысы Газетдинова Рәмилә һәм 8 нче класс укучысы Гыйлмуллина Гөлнур 3 нче призлы урын яуладылар. Аларны җиңүләре белән котлыйбыз!

8 нче май көнне мәктәп укучылары һәм авыл мәдәният йорты хезмәткәрләре катнашында Бөек Җиңүнең 69 еллыгына багышланган тантаналы митингы үткәрелде. Тантанага кунак итеп тыл ветераннары һәм сугыш чоры балалары чакырылды.

    24нче апрель  көнне 6 класс укучылары белән тарих фәне буенча  “Нәрсә? Кайда? Кайчан?”  дип аталган кичә үткәрелде.  “Сугышчылар” һәм “Римлылар” командалары көч сынашты. 27 балл җыеп “Римлылар” командасы җиңү яулады.

    25нче апрель көнне 7 класс укучылары белән “Безнең уен” кичәсе уздырылды.  Укучылар тарихи белемнәрен  күрсәттеләр һәм тирәнәйттеләр. “Өч спарталы” егетләр командасы 75 балл җыеп, кызларның  “Ак барс” командасын артта калдырды.

Бүген, ягъни  25 апрель көнне, балалар бакчасында 5 нче сыйныф укучылары тарафыннан  “Тукай- балалар язучысы“ дип исемләнгән кичә  үткәрелде. Кичә Тукайның шигырьләренә инсценировка, җырлар белән үрелеп барды.