24.01 көнне мәктәптә 9нчы сыйныф укучылары  имтиханнарга әзерлек кысаларында татар теле фәненнән сыналу эше башкардылар.

    Узган атнада мәктәбебездә “Ел сыйныф җитәкчесе” бәйгесенең мәктәп туры узды. Нәтиҗәләр буенча 1,3нче сыйныф җитәкчесе Ибраһимова Роза Рифкать кызының эшләре район турына җибәрелде.

     Бөек Җиңүнең 70 еллыгы уңаеннан план нигезендә  сугыш һәм тыл ветераннары турында мәгълүмат, музейга материаллар, экспонатлар  туплау эше бара. Һәр сыйныф укучысы бу эшкә тартылган.

9нчы сыйныф укучылары район үзәгенә төшеп ГИА биреп карыйлар. Рус теле фәненнән сынаулар  каникул чорында булды, ә матиматикадан 17.01 көнне үткәрелә. Уңышлар сезгә, укучылар

15.01. көнне мәктәпкә Актаныш психология үзәгеннән хезмәткәрләр килде. Фирүзә Флүс кызы Гимадиева 7-9 сыйныф укучылары белән тренинглар үткәрде, Зөһрә Баязит кызы Хәбибуллина һәр сыйныф укучыларыннан психологик тестлар алды, ә  Лилия Рәшит кызы Мисбахова укучылар белән индивидуаль эшләде.

Бүген яки 14 .01.2015 елны сәгать 14-00 Иске Кормаш мәктәбендә ата-аналар җыелышы үтә. Анда чыгарылыш класс укучылары белән имтихан тапшыру мәсъәләләре буенча һ.б. Җыелышта Актаныштан психологларда катнашалар. Аларга бик зур рәхмәтебезне белдерәбез! 

Укытучылар арасында Бөек җиңүнең 70 еллыгына  багышланган спартакиада булып узды. Безнең Иске Кормаш мәктәбе 4 урында. 

Аладагы елларда тагында яхшы нәтиҗәләргә ирешергә язсын.

7.01. көнне район үзәгендә Хакимият елкасы узды. Бу чарага традиция буенча, ел нәтиҗәләренә карап, төрле юнәлешләрдә  зур уңышларга ирешкә укучыларыбыз бара. Быел Фәрдиева Зилия, Хаҗиев Булат һәм Нуретдинова Алияләр шушы дәрәҗәгә ия булды.

Иң беренче итеп,  барлык алдынгы укучылар мәдәният йортында серле Яңа ел киче турында тамаша – “Щелкунчик” карадылар.  Яңадан алрны нигъмәт тулы өстәлләр һәм музыкаль котлаулар белән тулы зал каршы алды. Хакимият башлыгы шәхсән һәрберсен котлап, Рәхмәт хатлары һәм бүләк-тартмалар тапшырды.  Укучылар бик күңелле ял итеп, күтәренке күңел белән  кайттылар.

             6.01 көнне Актанышта Кыш бабай призына көрәш бәйгесе булды. Безнең  егетләребез сынатмады, үз үлчәүләредә призлы урыннар алып кайтты: Хәлимов Рафил (8кл)- 1урын, Шәмсиев Айдар (8кл)- 2урын, Шарафуллин Таһир (5кл)- 3 урын. Шулай ук  акчалата бүләкләнделәр.

Хезмәттәшебез Газизова Диләфрүз Мирхәт кызының туган көне!

Сине туган көнең белән котлап, иң изге, якты, матур теләкләребезне юллыйбыз. 

Көчле рухлы һәм кешелекле, юмарт һәм ярдәмчел, бәхетле һәм сәламәт бул! Туар таңнарың тыныч, саулыгың ныклы, гомерең бәхетле булсын! Авырмый, кайгы-хәсрәт күрми, озын гомер итүеңне, балаларыңның, якыннарыңның игелеген күреп яшәргә язсын Ходай. Ныклы тазалык, озын гомер, ак бәхетләр белән мул тормышта яшәвеңне телибез.