Сегодня, как и во всех школах районов республики, в Байсаровской школе прошел долгожданный праздник - День знаний. Всем 6 ученикам были вручены памятные подарки, а главный врач Актанышской центральной районной больницы Хаев Айдар Рафгатович ,пришедший поздравить учащихся и учителей с праздником, подарил глобус, сказав, что мир в ваших руках. "То,что мы получили в детстве, потом не смогут изменить народы всего мира", - призвал директор школы Салахов Рамиль Замигнурович. В добрый путь, наши дорогие ученики!

23 май көнне VII регионара "Гамил Афзал укулары" педагогик конференциясе булып үтте. Башкортостан, Ульян өлкәсе, Татарстан республикасы шәһәр һәм авылларыннан килгән укытучылар көч сынашты. Безнең мәктәптән татар теле һәм әдәбияты укытучысы Салахов Рамил Җәмигънур улы 1 урынга лаек дип табылды. Котлыйбыз!

23 май көнне Актанышыбызда халык шагыйре, якташыбыз Г.Афзалның туган көненә багышланган зур чара булып узды. Укучылар үзләренең язган шигырьләрен сөйләделәр, җиңүчеләр акчалата премияләр белән бүләкләнделәр.

Хокук бозуларны кисәтү максатыннан мәгариф оешмалары арасында уздырылган "Территория закона" бәйгесендә Байсар мәктәбе 1 урынга лаек дип табылды. Алга таба да уңышлар!

"Әтиләр берләшмәсе" нең чираттагы утырышы мәктәп директоры Рамил Җәмигънур улы җитәкчелегендә Такталачык җирлегендә узды. Бала тәрбияләүдә әти роле, әти сүзенең әһәмияте турында чыгышлар тыңланды, мәктәпләрдә әхлак дәресләрен укытуны оештырырга кирәклегенә басым ясалды. Чираттагы утырыш Тат Суксу җирлегенә билгеләнеп, күчмә гаилә символы мәктәп директоры Фидан Фирдависовичка тапшырылды.

Бакчада язгы эшләр башланды. Быел сатып алып,  бакчага урнаштырылган теплицада биология дәресендә укучылар тәҗрибә җирен йомшарталар.

Мәктәбебез укучылары командасы "Куркынычсыз көпчәк" районкүләм бәйгесендә катнашып иҗади бәйге өлешендә 2 урынга лаек дип табылдылар, бадминтон җиһазлары белән бүләкләнделәр.

9 класс укучылары проект эшләрен якладылар. Комиссия председателе мәктәп директоры Рамил Җәмигънур улы укучыларның эшләрен бгары бәяләде, алдагы имтиханнарда да уңышлар теләде.

Байсар мәктәбендә Изге Рамазан аенда ифтар мәҗлесе үтте. Кунак итеп чакырылган имам Назим хәзрәт вәгазьләр сөйләп, коръән аятьләрен укып мәрхүм-мәрхүмә әти-әниләр, әби-бабарарыбызны искә алды. Тоткан Уразаларыбыз кабуллардан булсын!

Бөек шагыйребез Г.Тукай туган көнгә багышлап, 26 апрель көнне "Тукай һәм дин" дип исемләнгән мәктәпкүләм чара үтте. Укучылар Изге Рамазан ае булганлыктан, Тукайның дини темага караган шигырьләрен өйрәнеп, яттан сөйләделәр.