Военкомат кубогына үткәрелгән спорт бәйгесендә Байсар мәктәбе егетләре 1 урынны яулады! Их сөенечлесе- егетләребез 3 ел рәттән 1 нче урынны яулаганга күрә, военкомат кубогы гомерлеккә безнең мәктәптә кала. Укытучы Гөлнара Рафиковнага егетләрне югары дәрәҗәдә әзерләгәне өчен зур рәхмәтемне белдерәм!

Бүген 9 класс укучылары еллык шәхси проектларын якладылар. Проект өчен сайлаган темалар бик актуальчыгышлар әзерлекле һәм бик мавыктыргыч булды. Аларның җитәкчеләренә һәм укучыларга рәхмәтемне белдерәм, алда торган имтиханнарда да уңышлар теләп калам.

Республика буенча террорга каршы өйрәнүләр, тренировакалар үткәрелде. Мәктәп укучыларының да белемнәре тикшерелде, җитезлектә сыналдылар. МЧС хезмәткәре Илсур Филис улы уңай бәяләде.

Байсар мәктәбенең Алдынгылар хәрәкәте егет-кызлары һәйкәл янын чүп-чардан арындырды, ил азатлыгы өчен башларын салган бабаларыбыз рухын сөендереп, Җиңү көне якынлашкан көннәрдә игелек өмәсендә катнаштылар.

18 апрель көнне Әлмәт шәһәрендә уздырылган "Театр-мәгърифәтнең көзгесе" дип исемләнгән театрлар бәйгесендә Байсар мәктәбенең "Миргалим оныклары" театр коллективы укучылары 1 урынга лаек дип табылды. 5-9 класс укучыларыннан торган коллектив Салих Батталның "Сугыш беткәч" шигъри тамашасын тәкъдим итте. Актаныш районыннан килгән башка коллективлар да Әлмәтлеләрне таң калдырды! Афәрин, кызлар-егетләр! Театр яктылыкка, нурга илтә, кире юлга җибәрми,- алга илтә!

28 нче март көнне Сарман районында үткәрелгән башлангыч класс укучылары өчен "Беренче адымнар" дип исемләнгән фәнни-гамәли конференциядә районыбыздан Басыров Миргалим Гыйлем улы исемендәге Байсар мәктәбенең 4 класс укучысы Сафиуллина Риана да катнашып җиңү яулады. Нәни укучыбыз Рианага һәм укытучысы- Гөлнара Әбелгас кызына алдагы бәйгеләрдә дә уңышлар телибез!

Казан шәһәрендә үткәрелгән "Наука и молодежь Татарстана- Агровызов" фәнни-гамәли конференциясендә мәктәбебезнең 8 класс укучысы Хайбрянова Рузалина лаеклы 3 урынны яулады. Казан аграр университеты "Үсеш ноктасы" юнәлеше буенча өстәмә белем бирү педагогы Розалия Данис кызын һәм Рузалинаны диплом белән бүләкләде. Аларны ихлас котлыйбыз!

Яр Чаллы шәһәрендә татар әдипләре катнашында узган "Илһам" яшь  язучылар бәйгесендә Байсар мәктәбеннән дә ике укучыбыз Садриева Язгөл һәм Салахова Таңсылу беренче тур җиңүчеләре булып, мәртәбәле жюри каршында имтихан тотты. Казан шәһәрендә узачак бәйгеләрдә дә аларга уңышлар теләп калабыз!

Байсар мәктәбе командасы районда уздырылган кышкы сезонны ябу спартакиадасында 2 урынны яулап, янә җиңү белән кайттылар. Ярышларда катнашкан укучыларыбызны һәм аларны бәйгегә әзерләгән укытучылары Гөлнара Рафиковнаны котлыйбыз! Алдагы ярышларда да уңышлар телибез!

3 март көнне Әлфия Авзалова исемендәге район Мәдәният сараенда "Йлддызлык-2026" фестивале узды. Төп гомуми белем бирү мәктәпләре арасында мәктәп коллективы мактаулы 1 нче урынны яулады. Укучыларны, өйрәткән педагогларны һәм әти-әниләрне кантнашучыларның нәтиҗәле чыгыш ясаулары, зур җиңүләре белән ихлас котлыйбыз!