"Школа доверия" горячая линия психологической помощи

Көзге бакча эшләре беткәннән соң, җыештыру эшләре башлана. Өлкән яшьтәге ялгыз яшәүче әбиләргә мәктәбебез укучылары ярдәмгә бара. Корыган ботакларны, коелган яфракларны тырмалап түгәләр, ишегалдын тәртипкә китерәләр. Бер рәхмәт мең бәладан коткарыр, ди халкыбыз.

Байсар мәдәният йортында Өлкәннәр көне уңае белән бәйрәм концерты оештырылды. Мәктәп коллективы да читтә калмады: җырчы егет-кызларыбыз матур җыр-моңнарын өлкәннәребезгә бүләк иттеләр.

Районыбызда Өлкәннәр көне уңае белән ярминкәләр гөрләде.  Байсар мәктәбе коллективы да үзләре җитештергән продукция белән катнашып, бәйрәмне ямьләделәр. Өлкәннәрне кайнар яәй һәм тәбикмәк-коймаклар белән сыйладылар.

Бүген Байсар җирлегендә көзге ярминкә гөрләде: авыл уртасындагы элеккеге базар мәйданында мәктәбебез укучылары чын ярминкә оештырды. Ата-аналар белән берлектә пешереп, тегеп, бәйләп, ясап алып килгән төрле кул эшләре, тәмле ризыкларны авыл халкы бик теләп алды. Җыелган акчалар хәрби махсус операциядә катнашучы егетләребезгә ярдәмгә тотылды. 

Көзге ярминкәдә  мәктәп укучылары белән беррәттән Байсар балалар бакчасында тәрбияләнүче балалар да бик актив катнашып, өйләрендә пешереп алып килгән әйберләрен саттылар. Кече яшьтән үк игелекле гамәлләр кылып, күреп үсәләр. Тәрбияләүче апаларына, әти-әниләренә һәм балаларга бик зур рәхмәт. Илләребез тыныч булсын, сугышлар булмасын.