Бакчабызда бай материаллар тупланган  Тарихи музей эшли.Уртанчылар группасы балалары тәрбиячеләре Суфиянова Дөрия апалары белән Җиңү көне уңаеннан әлеге музейда булдылар.Эчтәлекле альбом һәм фотосурәтләр кулланып Бөек Җиңүне китергән  каһарманнар, герой ветераннар турында сөйләштеләр.Балалар өчен иң истә калган мизгел әби - бабаларыбыз калдырган чын әйберләрне тотып карау. Музейдагы әңгәмәдән соң һәр балада туган ил,ветераннар, илне саклаучылар турында горурлык хисләре туды.